1 Ruodhi 3:9 - MUMA MALER 2015

⁹ Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

Motingʼo Loko Manyien

⁹ Omiyo mi jatichni chuny mariek mondo otel ne jogi kendo mar pogo ber gi rach. Nimar en ngʼa manyalo telo ni oganda maduongʼ machalo kama?”

1 Ruodhi 3:9 ပူးပေါင်းရင်းမြစ်များ

2 Samuel 14:17

Bende naparo niya, ‘Wach ruoth ema nyalo miya kue, nikech ruoth chalo malaika mar Nyasaye mapogo gima ber gi gima rach.’ Ruoth Nyasaye ma Nyasachi mondo obed kodi.”

1 Ruodhi 10:24

Piny duto ne biro ir Solomon mondo owinj rieko mane Nyasaye omiye.

1 Ruodhi 3:10

Ruoth Nyasaye ne mor nikech Solomon nokwayo kamano,

1 Ruodhi 3:28

Jo-Israel duto nowinjo bura mane ruoth ong’ado, mi ne giluore, nikech ne gineno ni rieko Nyasaye ni kuome, ka konye ng’ado bura makare.

1 Weche mag Ndalo 22:12

Ruoth Nyasaye ma Nyasachi mondo omiyi rieko duto mondo irit chikne koseketi ruodh Israel.

1 Weche mag Ndalo 29:19

Kony Solomon wuoda mondo omak chikeni gi bucheni mondo ochopgi duto, kendo oger Hekalu ma koro aseikone gik moko.”

2 Weche mag Ndalo 1:10

Yie imiya rieko mondo ang’e kaka datel ni ogandani, nimar ere ng’ama dinyal rito jogi mang’enygi?”

Zaburi 119:144

Chikeni ni kare nyaka chieng’, omiyo miya ang’egi mondo abed mangima.

Zaburi 119:34

Lerna tiend chikni mondo ariti. Ee, anarite gi chunya duto.

Zaburi 119:73

A Ruoth Nyasaye, in ema ne ichueya, kendo irita maber.

Ngeche 14:8

Rieko mar ng’at mariek, nyise yo makare monego oluw, to fup joma omemore, miyo gibayo yo.

Ngeche 16:16

Mano kaka yudo rieko gi ng’eyo, ber, moloyo yudo fedha gi dhahabu.

Ngeche 20:12

Ruoth Nyasaye osemiyowa wang’ mondo wanen-go, kendo osemiyowa it mondo wawinjgo wach.

Eklesiastes 7:11

Rieko ber moloyo mwandu, kendo okonyo joma ngima duto man kode.

Eklesiastes 7:19

Gima rieko timo ni ng’ato duong’ moloyo gima ruodhi apar nyalo timo ni dala ma gidakie.

Jeremia 1:6

Eka nadwoke niya, “A Ruoth Nyasaye, ok ang’eyo wuoyo, nikech pod atin.”

Jeremia 45:5

Idwaro mondo iyud gik ma dongo dongo, to onego iwe dwarogi, nimar abiro kelo masira ni ji duto e piny. In to, initony kamoro amora midhiye, to ngimani kende ema niresi.’ ”

Daniel 2:21

En ema ochano ndalo kod chwiri gi opon, bende en ema oketo ruodhi e tich, kendo ogolo. Omiyo ji rieko kod ng’eyo.

Mathayo 3:11

An abatisou gi pi, mondo obed ranyisi ni useloko chunyu, to ng’at ma biro bang’a nigi teko moloya, ma kata mana wuochene ok awinjora ting’o. En obiro batisou gi Roho Maler kendo gi mach.

Mathayo 3:14

To Johana notemo tame, kakwere ni, “An ema onego ibatisa, to kendo in ema ibiro ira mondo abatisi!”

Johana 5:30

“An ok anyal timo gimoro gi tekona awuon. Ang’ado bura mana kaka Nyasaye onyisa, kendo bura mang’ado en bura makare, nikech ok adwar timo gima an ema adwaro, to atimo mana gima Jal mane oora dwaro.

2 Jo-Korintho 2:16

Kuom joma lal en tik mar tho makelo tho, to kuom joma ireso to en tik mar ngima. Koro ere ng’ama nyalo gik ma kamago?

2 Jo-Korintho 3:5

Wan to waonge gi teko moro kuomwa wawegi mamiyo wawacho ni wanyalo timo gimoro, to gima wan-go a mana kuom Nyasaye,

Jo-Efeso 5:17

Kuom mano, kik ubed joma ofuwo, to temuru ng’eyo gima Ruoth dwaro.

Jo-Filipi 1:10

mondo ubed gi rieko mar yiero mana gima kare kende. Kamano unubed maler kendo maonge bura chieng ma Kristo obiroe,

Jo-Hibrania 5:14

Joma dongo to chamo chiemo motegno, nikech gisepuonjore, mi ging’eyo pogo gik mabeyo gi gik maricho.

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.