1 Ruodhi 3:7 - MUMA MALER 2015

⁷ Koroni, A Ruoth Nyasaye ma Nyasacha, iseketa ruoth kar Daudi wuora, to pod an rawera mayot, kendo akia kaka onego awuoth e nyim ji.

Motingʼo Loko Manyien

⁷ “Koro, yaye Jehova Nyasaye, ma Nyasacha, iseketo jatichni ruoth kar wuonwa Daudi. To an mana rawera kendo ok angʼeyo kaka onego atim tichna.

1 Ruodhi 3:7 ပူးပေါင်းရင်းမြစ်များ

2 Samuel 5:2

E ndalo ruodhwa mokadho, kane Saulo pod ruodhwa, in ema nitelo ni jo-Israel e lwenjegi duto, kendo Ruoth Nyasaye nowachoni niya, ‘Inibed jakwadh joga Israel, kendo in ema nibed ruodhgi.’ ”

1 Weche mag Ndalo 22:5

Daudi nowacho niya, “Solomon wuoda pod rawera mayot, to ot midwaro gero ni Ruoth Nyasaye onego obed maber miwuoro, kendo ma humbe olak e pinje duto. Omiyo nyaka aikne gik gedo.” Kuom mano Daudi noiko gik mogundho ka pok otho.

1 Weche mag Ndalo 22:9

To ininywol wuowi ma lochne nobed gi kue. Anamiye kue, kamiyogi yueyo e ndalone.

1 Weche mag Ndalo 29:1

Bang’ mago, Daudi nowacho ni oganda jo-Israel mane osechokore niya, “Solomon wuoda ma Nyasaye oseyiero, pod en rawera to tijni e tich maduong’, nikech odni ok en mar dhano, to en mar Ruoth Nyasaye.

Zaburi 121:8

Obiro riti kiwuok, kendo kiduogo, pile kendo nyaka chieng’.

Ngeche 18:12

Ng’at mamuol ema yudo duong’. Jasunga to luwo yo mochiko kethruok.

Eklesiastes 10:16

Ka ruodh piny en ng’at ma yolo, kendo jotende galore agala e sewni otieno duto, to pinyno nigi chandruok.

Jeremia 1:6

Eka nadwoke niya, “A Ruoth Nyasaye, ok ang’eyo wuoyo, nikech pod atin.”

Jeremia 1:7

To Ruoth Nyasaye nowachona niya, “Kik iwachi ni pod itin, to dhiyo adhiya ir ji duto ma aori kuomgi, mondo iwachnigi gik moko duto ma anyisi.

Daniel 2:21

En ema ochano ndalo kod chwiri gi opon, bende en ema oketo ruodhi e tich, kendo ogolo. Omiyo ji rieko kod ng’eyo.

Daniel 4:25

Ibiro chamo lum gi dhogi ka dhiang’ kendo ininind oko kama tho nomokie kuomi kuom higni abiriyo. Bang’e ining’e ni kara Nyasaye Maduong’ Moloyo ema nigi loch kuom piny duto mae piny, kendo onyalo keto ng’ato ang’ata modwaro obed ruoth.

Daniel 4:32

Ibiro riembi ia kuom ji, kendo ibiro dak mana gi le, kichamo lum gi dhogi ka dhiang’ kuom higni abiriyo. Bang’e ining’e ni Nyasaye Maduong’ Moloyo ema nigi loch kuom pinje duto mae piny, kendo ni onyalo keto ng’ato ang’ata modwaro obed ruoth.”

Daniel 5:18

“Nyasaye Maduong’ moloyo noketo Nebukadnezar kwaru obedo ruoth maduong’ man gi teko kod duong’.

Daniel 5:21

Ne oriembe oa kuom ji, mi parone olokore ka paro le. Bende ne odak gi kenje manie thim, mi ochamo lum gi dhoge ka dhiang’, kendo ne onindo oko ka tho omoko kuome. To achien noyie gi Nyasaye Maduong’ Moloyo ema nigi loch e pinje duto ma e piny, kendo en ema oketo ng’ato ang’ata modwaro bedo ruoth.

Kwan 27:17

mondo otel nigi e gik moko duto ma gitimo, kendo oritgi ka giwuok kendo ka giduogo dala, mondo oganda Ruoth Nyasaye kik bed ka rombe maonge jakwath.”

Johana 10:9

An to an e dhorangach. Ng’at mokadho kuoma ema nokwo. Ng’atno nodonj kendo nowuog oko, mi nonwang’ lek maber mokwayoe.

Rapar mar Chik 31:2

“Koro hika gin mia achiel gi piero ariyo, kendo ok anyal dhi nyime gi telonu. To bende Ruoth Nyasaye osenyisa ni ok nang’ad aora Jordan.

1 Samuel 18:16

to jo-Israel gi jo-Juda duto nohero Daudi, nikech notelonigi e lweny.