1 Ruodhi 3:6 - MUMA MALER 2015

⁶ Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

Motingʼo Loko Manyien

⁶ Solomon nodwoko niya, “Isenyiso ngʼwono maduongʼ ni jatichni Daudi wuonwa nikech ne en ja-adiera kuomi kendo ne en ngʼama kare ma chunye odimbore. Bende pod inyise ngʼwono maduongʼno nyaka chil kawuono kendo isemiye wuowi mondo obedi e kome kawuononi.

1 Ruodhi 3:6 ပူးပေါင်းရင်းမြစ်များ

Chakruok 24:40

Nodwoka niya, ‘Ruoth Nyasaye ma arito chikne pile biro oro malaikane kodi mondo oguedh wuodhi. Inikaw nyar owadwa moro e dalawa mondo obed chi wuoda.

2 Samuel 22:21

Ruoth Nyasaye ne opoga pok mowinjore gi timna makare. Nochula moromo gi tichna maler,

2 Samuel 22:25

Omiyo osemiya pok mowinjore gi timna makare, kendo moromo gi timna malong’o e nyime.

2 Samuel 7:5

“Dhiyo, inyis Daudi jatichna ni Ruoth Nyasaye owacho kama: ‘In digerna ot ma mondo adagie adier?

1 Ruodhi 1:48

mowacho ni, ‘Apako Ruoth Nyasaye ma Nyasach Israel, moseyiena mondo ane wuoda kobet e kom duong’na kawuono.’ ”

1 Ruodhi 15:5

nimar Daudi notimo gik malong’o ni Ruoth Nyasaye, kendo e ngimane duto ne ok oketho wach moro mane ochike, mak man wach Uria ja-Hiti.

1 Ruodhi 2:4

Kamano Ruoth Nyasaye nochop singruok mane otimona, kowachona ni, ‘Ka yawuoti noritre, kendo nowuoth e nyima gi adiera gi chunygi duto kod parogi duto, to nyikwayi nobed ruodhi mag Israel nyaka chieng’.’

1 Ruodhi 3:14

Bende kiluwo yorena, kendo imako chikena gi buchena, kaka Daudi wuoru notimo, to namedni ndalo.”

1 Ruodhi 9:4

To in, kiwuotho e nyima gi chuny makare kod bidhruok, kitimo duto masechiki, kendo kimako chikena gi buchena kaka Daudi wuoru notimo,

2 Ruodhi 20:3

“A Ruoth Nyasaye, asayi, parie kaka asewuotho e nyimi gi adieri kod chuny mobidhore, ka atimo gik malong’oni.” Eka ne oywak malit.

2 Weche mag Ndalo 1:8

Solomon nodwoko Nyasaye niya, “Ninyiso ni ihero Daudi wuora gi hera mosiko, kuom ket ma iketago ruoth kare.

Zaburi 116:7

A yaye chunya, bed gi geno, nimar Ruoth Nyasaye osebedona mang’won.

Zaburi 119:17

Bedna mang’won an jatichni, mondo adag aming’a kendo amak wachni.

Zaburi 13:6

Abiro wer ni Ruoth Nyasaye, nimar osebedona mang’won.

Zaburi 15:2

Nyaka obed ng’ama oluoro Nyasaye e yore duto, kendo ma pile timo gik makare, bende ma wechene gin adier, kendo ma onge miganga.

Kwan 12:7

To jatichna Musa ok en janabi ma kamano en kende e jaadiera kuom joga duto.

2 Jo-Korintho 9:11

Enomi udok jomwandu ahinya e gik moko duto, mondo ubed jong’wono ndalo duto, kendo mano nomi ji mang’eny goni Nyasaye erokamano nikech chiwou ma wamiyogi.

2 Jo-Korintho 9:5

Mano emomiyo aseneno ni ber mondo aor owetego obi iru mokwongo, olos chon chiwo mane usesingoru ni ubiro golo. Kamano ka abiro to anayud ka oikore, kendo mano nonyis ni uchiwe maonge achune.