1 Ruodhi 3:4 - MUMA MALER 2015

⁴ Ruoth Solomon ne jadhi Gibeon mondo otim misango, nikech ne en hembko mong’ere moloyo, kendo nothoro timo misengni miwang’o pep alufu achiel e kar misangono.

Motingʼo Loko Manyien

⁴ Ruoth nodhi Gibeon mondo ochiw misengini nimar kanyo e kama notingʼore malo moloyo ahinya kendo Solomon nochiwo misengini miwangʼo pep alufu achiel e kendo mar misangono.

1 Ruodhi 3:4 ပူးပေါင်းရင်းမြစ်များ

1 Ruodhi 8:4

Ne gikele kaachiel gi Hemb Romo, kod gik moko duto mane nie Hema mitiyogo tich Nyasaye. Jodolo kod jo-Lawi ema nokelogi.

1 Ruodhi 8:63

Solomon nochiwo ruedhi alufu piero ariyo gariyo, kod rombe alufu mia achiel gi piero ariyo, (120,000) kotimogo misengni mag sawo. Mano e kaka ruoth kod jo-Israel duto noyango Hekalu ni Ruoth Nyasaye.

1 Ruodhi 9:2

Nyasaye nofwenyorene kendo, kaka nofwenyorene mokwongo e dala Gibeon.

1 Weche mag Ndalo 16:39

Daudi noweyo bende Zadok jadolo kod owetene ma jodolo e Hema mar Ruoth Nyasaye, mane nie hembko mar Gibeon,

1 Weche mag Ndalo 21:29

Kata obedo ni e ndalogo Hema Maler mar Ruoth Nyasaye kod kendo-mar-misango mane Musa oloso e thim ne pod ni e hembko man Gibeon,

2 Weche mag Ndalo 1:2

Solomon noluongo jotend ogend lweny madongo gi matindo, kod jong’ad bura, gi jotelo duto mag Israel ma jodong gwenge.

2 Weche mag Ndalo 1:3

Eka Solomon gi ji duto ma nochokore kode ne jodhi e hembko mane ni Gibeon, nimar Hemb Romo mane Nyasaye romoe gi joge, mane Musa jatich Ruoth Nyasaye oloso e thim, ne ni kanyo,

2 Weche mag Ndalo 30:24

Hezekia ruodh Juda nomiyogi ruedhi alufu achiel gi rombe alufu abiriyo mondo gitimgo misango, to jodongo nochiwo ruedhi alufu achiel gi rombe alufu apar. Mi jodolo mang’eny ahinya nopwodhore.

2 Weche mag Ndalo 7:5

Ruoth Solomon notimo misango gi ruedhi alufu piero ariyo gariyo, kod rombe alufu mia achiel gi piero ariyo. Mano e kaka ruoth kod ji duto noyango Hekalu ni Ruoth Nyasaye.

Isaya 40:16

Yien duto manie piny Lebanon, kaachiel gi le duto man kuno, ok nyal romo timonego misango miwang’o pep.

Jeremia 28:1

E higano, e due mar abich mar higa mar ang’wen mar loch Zedekia ruodh Juda, Hanania janabi, ma wuod Azur ja-Gibeon, nowuoyo gi Jeremia e Hekalu kowachone e nyim jodolo kod ji,

Joshua 10:2

Kuom mano, jo-Jerusalem nobwok ahinya, nimar Gibeon ne en kama duong’ machalo dala ruoth. Noduong’ moloyo Ai, kendo joge ne gin jolweny marateke.

Joshua 18:21

Miech jo-Benjamin, kaluwore gi dhoutgi, ne gin Jeriko, gi Beth-hogla, gi Emek-keziz,

Joshua 9:3

To kane jo-Gibeon owinjo gima Joshua osetimo Jeriko gi Ai, ne giparo mondo giwuonde.

1 Samuel 13:9

Omiyo Saulo nowacho niya, “Kelnauru dhok mitimogo misango miwang’o pep, kod misengni mag sawo.”