1 Ruodhi 3:26 - MUMA MALER 2015

²⁶ To dhako mane nyathine ngima nohero wuode ahinya, omiyo nosayo ruoth, kowacho niya, “Yaye ruoth, mi dhani nyathi mangima, to kik inege ngang’!” To dhako machielo nowacho ni, “Ok enobed mara kata mari. Poge apoga!”

Motingʼo Loko Manyien

²⁶ Eka dhako mane wuode ngima nokecho wuode mowacho ni ruoth niya, “Kiyie ruodha, miye nyathino mangimano! Kik inege!” To dhako machielo nowacho niya, “An kata in ok noyud nyathino. Ngʼade nyadiriyo!”

1 Ruodhi 3:26 ပူးပေါင်းရင်းမြစ်များ

Chakruok 43:30

Eka Josef noa kanyo piyopiyo nikech siwuori mar hera nomake gi owadgino. Pi wang’e ne chiegni ton, omiyo nodhi e ode ma iye, moywak kuno.

1 Ruodhi 3:25

nowacho niya, “Poguru nyathi mangima diere, mondo umi dhako achiel konchiel, to komachielo umi dhako machielo.”

1 Ruodhi 3:27

Eka ruoth nodwoko ni, “Miuru dhako mokwongono nyathi mangima, kik unege ngang’, nikech en e min mare.”

Zaburi 39:3

mi chunya nopong’ gi parruok, kendo kane amedo paro wachno, chunya nomedo parore moloyo. Omiyo ne ok anyal medo ling’ mak apenjo Ruoth Nyasaye niya,

Isaya 49:15

To wi dhako bende diwil gi nyathi mane odhodho? Koso wiye diwil adier gi wuode mane onywolo? Kata ka obedo ni wiye nyalo wil, an to wiya ok diwil kodi.

Jeremia 31:20

To an Ruoth Nyasaye awacho kama: In Israel in e wuoda mahero moloyo. E sa asaya ma aluongoe nyingi, to apari gi hera. Chunya oheri, omiyo abiro kechi.

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Jo-Rumi 1:31

Gin joma wang’gi tek, gi joma ok rit singruokgi, kod joma ok ohero jowetegi, kendo ok kechgi.

Jo-Filipi 1:8

Nyasaye ong’eyo ni awacho adier ni hera matut ma aherougo oa mana kuom Yesu Kristo owuon.

Jo-Filipi 2:1

Ka bedowa kuom Kristo nyalo kelonwa hoch, kata hera maduogo chuny, kata bedo e achiel kuom Roho, kata ng’wono kod miwafu,

2 Timotheo 3:3

Ginibed joma ok ohero jowetegi, kendo mamako sadha. Bende ginibed joma jokuoth kendo joma oowore, kendo jomahundu, kendo joma ok ohero gik mabeyo.

1 Johana 3:17

Ka ng’ato man gi mwandu oneno wadgi moro ka onge gi gima dokonyrego, to otamore konye, koro ere kaka hera mar Nyasaye nyalo siko e chunye?