1 Ruodhi 3:2 - MUMA MALER 2015

² Ji pod ne timo misango e hembko mane ni kuonde moting’ore, nikech ot moger ni Ruoth Nyasaye ne pod onge ndalogo.

Motingʼo Loko Manyien

² Ji to pod ne timo misengini e kuonde motingʼore nikech od lemo ne pok oger ni nying Jehova Nyasaye.

1 Ruodhi 3:2 ပူးပေါင်းရင်းမြစ်များ

1 Ruodhi 14:23

Ne giloso ut lemo e hembko mane ni kuonde moting’ore, kendo ne gichungo sirni milamo mag kite gi mag yath, e gode maboyo duto, kendo e tiend yien moro amora motimo otiep.

1 Ruodhi 15:14

Hembko mane ni kuonde moting’ore ne ok okethi, to kata kamano chuny Asa ne long’o e nyim Ruoth Nyasaye e ndalone duto.

1 Ruodhi 22:43

Jehoshafat noluwo timbe duto mag Asa wuon mare, ma ok oweyo kata achiel, kendo timbene ne long’o e nyim Ruoth Nyasaye. To hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

1 Ruodhi 22:44

Jehoshafat bende notimo winjruok gi ruodh Israel.

1 Ruodhi 5:3

“Ing’eyo ni Daudi wuora ne ok nyal gero Hekalu ni Ruoth Nyasaye ma Nyasache, nikech lwenje mane wasike olworego, nyaka Ruoth Nyasaye noketogi e bwo lochne.

2 Ruodhi 12:4

Joash nowachone jadolo niya, “Kawuru pesa duto michiwo ni Ruoth Nyasaye ma ji kelo e Hekalu, bed ni en solro momi ng’ato ka ng’ato mondo ogol, kata en pesa ma ng’ato chiwo kuom herone.

2 Weche mag Ndalo 15:17

To ne ok oketho hembko mane ni kuonde moting’ore e piny Israel. Kata kamano chunye nodimbore e nyim Nyasaye ndalone duto.

2 Weche mag Ndalo 33:17

Kata kamano ji ne pod timo misengni e hembko man kuonde moting’ore, to mana ni Ruoth Nyasaye ma Nyasachgi.

Zaburi 78:58

Ne giwang’o iye ka gilemo e hembko man kuonde moting’ore, kendo ne gimiyo nyiego omake, ka gilamo kido mag nyiseche manono.

Tim jo-Lawi 26:30

Anaketh kuonde hembko mau, kendo anamuk kendeu mag ubani. Anadhur ringreu motop kuom kido motop mag nyisecheu manono, kendo najwang’u.

Rapar mar Chik 12:13

To kik uchiw misengni mau miwang’o pep kamoro amora muneno,

1 Samuel 9:12

Nyigo nodwokogi ni, “Ee, en nyimu kanyo. Returu, koroni eka odonjo dala, nikech jodalano timo misango kawuono e hembko man kama oting’ore.