1 Ruodhi 3:14 - MUMA MALER 2015

¹⁴ Bende kiluwo yorena, kendo imako chikena gi buchena, kaka Daudi wuoru notimo, to namedni ndalo.”

Motingʼo Loko Manyien

¹⁴ To kiwuotho e yorena kendo rito buchena kod chikena kaka Daudi wuonu notimo bende anamiyi idak amingʼa.”

1 Ruodhi 3:14 ပူးပေါင်းရင်းမြစ်များ

1 Ruodhi 11:34

Kata kamano ok abi golo loch duto e lwete, to enosik jatelo ndalo duto mag ngimane, mana nikech ahero Daudi jatichna ma nayiero. En jal ma norito chikena gi buchena.

1 Ruodhi 15:5

nimar Daudi notimo gik malong’o ni Ruoth Nyasaye, kendo e ngimane duto ne ok oketho wach moro mane ochike, mak man wach Uria ja-Hiti.

1 Ruodhi 3:3

Solomon nohero Ruoth Nyasaye, koluwo chik Daudi wuon mare, mak mana ni notimo misango, kendo nowang’o ubani, e hembko mane ni kuonde moting’ore.

1 Ruodhi 3:6

Solomon nodwoke niya, “Ninyiso hera mosiko ni Daudi wuora ma jatichni, mane wuotho e nyimi gi adiera, kendo kuom dimbruok gi chuny makare. Bende pod inyise hera mosikono nyaka chil kawuono, nimar isemiyo wuode obedo ruoth kare.

1 Weche mag Ndalo 28:7

Korito chikna kaka iritogi sani, to anagur lochne nyaka chieng’.’

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 29:2

Timbe Hezekia ne long’o e nyim Ruoth Nyasaye, kaka timbe Daudi kwar mare.

2 Weche mag Ndalo 34:2

Timbene ne long’o e nyim Ruoth Nyasaye, kendo noluwo timbe Daudi kwar mare, ma ok oweyo kata achiel.

Zaburi 132:12

Ka yawuoti orito singruokna, kendo ka gimako chikena ma abiro miyogi, to yawuotgi bende nobed e kom duong’ni tienge duto.”

Zaburi 21:4

Ne okwayo mondo imiye ngima, mi nimiye. Ee, noyudo ngima malach kendo mosiko.

Zaburi 21:5

Isekonye, kendo isemiye duong’ gi teko gi pak.

Zaburi 91:16

Anami gidag aming’a, mondo gibed mamor gi warruok ma amiyogi.”

Ngeche 3:16

Rieko miyi idak aming’a, bende okeloni mwandu kod luor.

Ngeche 3:2

nimar puonjna biro miyo idhi nyime maber, kendo idag aming’a.

Zekaria 3:7

“Ruoth Nyasaye owacho kama: Ka iwuotho e yorena, kendo imako chiknani, to inibed gi loch e Hekalu mara, kendo inirit alwora mar Hekalu, bende anamiyi thuolo mar donjo e nyima kaachiel gi joma tiyonagi.

Tich Joote 13:22

Eka Nyasaye nogole, moketonigi Daudi ruoth. En ema Nyasaye nowuoyo kuome niya, ‘Aseyudo ni Daudi wuod Jesse e ng’at ma chunye chal gi mara, kendo ema notim gik moko duto ma adwaro.’

Rapar mar Chik 25:15

Nyaka ubed gi rapim kod rapur malong’o kendo makare mondo udag aming’a e piny ma Ruoth Nyasaye ma Nyasachu biro miyou.

Rapar mar Chik 5:16

“ ‘Luor wuoru gi meru kaka Ruoth Nyasaye ma Nyasachu nochikou, eka mondo udag aming’a, kendo udhi maber e piny ma Ruoth Nyasaye ma Nyasachu biro miyou.

Rapar mar Chik 5:33

Luwuru yo ma Ruoth Nyasaye ma Nyasachu osechikou, mak ubaro koracham kata korachwich. Bang’e eka unubed maber kendo unudag aming’a e piny ma udhi kawo.

1 Timotheo 4:8

Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.