1 Ruodhi 3:13 - MUMA MALER 2015

¹³ Mago mane ok ikwayo bende amedi, gin mwandu kod duong’, ma onge ruoth moro amora ma dibed marom kodi ka pod ingima.

Motingʼo Loko Manyien

¹³ Moloyo mano abiro miyi nyaka mago ma ok ikwayo kaka mwandu kod duongʼ mondo e kinde mag ngimani ok inibed gi ngʼat maromo kodi e kind ruodhi.

1 Ruodhi 3:13 ပူးပေါင်းရင်းမြစ်များ

1 Ruodhi 10:14

Pek mar dhahabu mane ikelo ni Solomon higa ka higa ne romo kilo alufu piero ariyo gadek,

1 Weche mag Ndalo 29:25

Ruoth Nyasaye nomiyo Solomon duong’ ma onge ruodh Israel moro mane osebedogo.

2 Weche mag Ndalo 9:22

Kamano ruoth Solomon noloyo ruodhi duto mag piny gi mwandu kendo gi rieko.

Nehemia 13:26

Nawachonigi niya, “Donge ruoth Solomon noketho mana nikech wach mon makama? E pinje duto ne onge ruoth moro machal kode. Nyasache nohere mokete ruodh Israel duto, to kata en bende nyi jomoko notere e richo.

Ngeche 3:16

Rieko miyi idak aming’a, bende okeloni mwandu kod luor.

Ngeche 4:9

En ema nobedni osimbo mar duong’.”

Eklesiastes 6:2

Nyasaye nyalo miyo ng’ato mwandu kod luor kaachiel gi gimoro amora ma ng’atno dwaro, to ok owe ng’atno cham mwandunego ngang’. Ng’ato nono ema biro chamogi. Mano en gima nono, kendo ma ok ber kata matin.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Jo-Rumi 8:32

Nyasaye ne ok otimo migundia kuom Wuode owuon, to ne ochiwe mi otho nikech wan duto. To kane ochiwo Wuode kamano, to ere kaka dotamre miyowa gik moko duto mogundho?

Jo-Efeso 3:20

Duong’ obed ni Nyasaye, manyalo timonwa gik moko duto moloyo kaka wakwayo kata kaka waparo, kuom tekone matiyo kuomwa.