1 Ruodhi 3:12 - MUMA MALER 2015

¹² koro atimoni kaka isekwayo. Amiyi chuny mar rieko kod mar ng’eyo. Pok onywolie ng’at machal kodi, bende ok nonywol moro bang’i.

Motingʼo Loko Manyien

¹² Abiro timo gima isekwayo. Abiro miyi chuny mar rieko kod mar ngʼeyo mondo kik bedie ngʼama chalo kodi kendo nyaka chiengʼ.

1 Ruodhi 3:12 ပူးပေါင်းရင်းမြစ်များ

1 Ruodhi 2:6

Omiyo ti gi riekoni; wiye oseti lwar, to kik iwe otho gi kue.

1 Ruodhi 2:9

To koro kik iweye mak ikume. In ng’at mariek, kendo ibiro ng’eyo gima owinjore itim, mondo otho tho mar masira, kata obedo ni wiye oseti lwar kamano.”

1 Ruodhi 3:28

Jo-Israel duto nowinjo bura mane ruoth ong’ado, mi ne giluore, nikech ne gineno ni rieko Nyasaye ni kuome, ka konye ng’ado bura makare.

1 Ruodhi 5:12

Ruoth Nyasaye nomiyo Solomon rieko, kaka nosesingorene. Kue ne nitie e kind Hiram gi Solomon, kendo ne gitimo winjruok.

1 Ruodhi 5:9

Jotichna nogolgi Lebanon, kendo notergi nyaka e dhonam, mi notuegi kanyakala, mondo okwang’gi e nam nyaka kuma idwaro. Joga nogony yien-go kanyono, kendo inikawgi. To kichiwo chiemo moromo jooda to inichop dwarona.”

1 Weche mag Ndalo 29:25

Ruoth Nyasaye nomiyo Solomon duong’ ma onge ruodh Israel moro mane osebedogo.

2 Weche mag Ndalo 2:12

Eka nodhi nyime kowacho niya, “Apako Ruoth Nyasaye ma Nyasach Israel, ma jachwech polo gi piny, nimar osemiyo ruoth Daudi wuowi man gi rieko kod ng’eyo ma biro gero Hekalu ni Ruoth Nyasaye kod ot ma ruoth dakie.

Nehemia 13:26

Nawachonigi niya, “Donge ruoth Solomon noketho mana nikech wach mon makama? E pinje duto ne onge ruoth moro machal kode. Nyasache nohere mokete ruodh Israel duto, to kata en bende nyi jomoko notere e richo.

Zaburi 10:17

A Ruoth Nyasaye, ichiko iti ni lemo mag joma obolore, kendo itego chunygi.

Ngeche 2:6

nimar Ruoth Nyasaye ema chiwo rieko, kendo en ema opuonjo ng’eyo.

Eklesiastes 1:13

Ne aketo chunya kuom nono tiend gik moko duto matimore e piny mondo apuonjra tiendgi, mi ayudo ni tich ma Nyasaye osemiyo dhano mondo onyagrego e piny ka lit ahinya.

Eklesiastes 1:16

Ne awacho e chunya niya, “Asebedo ng’at mariekie moloyo ng’ato ang’ata mane okwongona bedo ruoth e Jerusalem, kendo ang’eyo ni rieko kod ng’eyo gin gik manade.”

Isaya 65:24

Anadwokgi kapok giluonga, kendo anawinjgi kapok gitieko wuoyo.

Daniel 1:17

Nyasaye ne omiyo yawuowi ang’wen-go rieko mar kitabu kod rieko moro amora. To bende nomiyo Daniel rieko mar loko tiend fweny kod lek duto.

Mathayo 12:42

Chieng’ Bura, Ruoth madhako mar piny milambo nochung’, kendo nodonjnu nikech ne oa kuma bor ahinya mondo obi owinj rieko Solomon. To awachonu ni koro nitie gimoro kaeri man gi duong’ moloyo Solomon.

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Rapar mar Chik 34:9

Joshua wuod Nun nomi rieko mathoth, nikech Musa noseyieyo lwete kuome, mi jo-Israel nowinje, motimo gik mane Ruoth Nyasaye ochiko Musa.

Jo-Kolosai 2:3

En ema mwandu duto mag rieko kod ng’eyo opand kuome.