1 Ruodhi 22:8 - MUMA MALER 2015

⁸ Ruodh Israel nodwoke ni, “Ee, ng’at achiel pod odong’ ma dipenjnwa Ruoth Nyasaye wach, en Mikaya wuod Imla.” To Jehoshafat nowachone ni, “Kik iwuo kamano.”

Motingʼo Loko Manyien

⁸ Ruodh Israel nodwoko Jehoshafat niya, “Pod nitie ngʼato achiel manyalo penjonwa Jehova Nyasaye wach, to ok adware nikech ok okor gimoro amora maber kuoma, to kinde duto mana gik maricho. Nyinge en Mikaya wuod Imla.” Jehoshafat nodwoko niya, “Ruoth ok onego iwach kamano.”

1 Ruodhi 22:8 ပူးပေါင်းရင်းမြစ်များ

Chakruok 37:8

Owetene nodwoke ka penje niya, “Iparo ni chieng’ moro inibed ruodhwa mondo itiwa?” Mi ne gimedo doko mamon kode ahinya, nikech lek mane owacho ni olekono.

1 Ruodhi 18:4

kendo kane Jezebel nego jonabi mag Ruoth Nyasaye, to nopando jonabi mia achiel kuomgi. Piero abich nopando e rogo achiel, to piero abich opando e rogo machielo, momiyogi chiemo gi pi bende.)

1 Ruodhi 19:10

Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

1 Ruodhi 19:14

Nodwoko ni, “A Ruoth Nyasaye Manyalo Gik Moko Duto, asetiyoni gi kinda, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi; mak mana an ema odong’, to koro gidwaro nega.”

1 Ruodhi 21:20

Ahab nowacho ni Elija niya, “Yaye, jasika, kara isenwang’a?” Nodwoke ni “Ee, asenwang’i, nikech isechiwori mar timo gik ma Ruoth Nyasaye okwero.

1 Ruodhi 22:13

Jaote mane odhi luongo Mikaya nowachone niya, “Jonabi duto osekoro wach nyalhodia, ka giwacho ni gima ber biro timore ni ruoth. In bende yie ikor wach maber kaka gisekorono.”

1 Ruodhi 22:18

Ruodh Israel nowacho ni Jehoshafat niya, “Donge nawachoni ni jali ok dikorna wach maber, to mana marach?”

1 Ruodhi 22:27

Wachnigiuru niya, ‘Ruoth owacho ni mondo uket ng’atni e od tuech, kendo umiye mana kuon abang’a gi pi kende, nyaka aduog ka angima.’ ”

1 Ruodhi 22:7

To Jehoshafat nopenje niya, “Janabi moro mar Ruoth Nyasaye onge ka, ma dwapenj wach koso?”

1 Ruodhi 22:9

Eka ruodh Israel noluongo jatichne moro, mowachone niya, “Dhi piyo iluong Mikaya wuod Imla.”

2 Ruodhi 9:22

Kane Joram oneno Jehu, nopenje niya, “Ere kaka wach nyalo bet maber, ka meru Jezebel pod dhi nyime gi timbene mag ndhogruok gi mag jwok?”

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Zaburi 34:21

Richo biro nego joma timo richo, kendo jogo ma mon gi joma kare biro yudo kum.

Ngeche 15:12

Ng’at ma jasunga ok dwar mondo okwer, omiyo ok odhi ir joma riek mondo ong’adne rieko.

Ngeche 29:10

Joma ohero chuero remo mon gi ng’at ma jaratiro. Joma kare to okawo ngimane ka gimoro.

Ngeche 9:8

Kuom mano, kik item rieyo ng’at ma jasunga, nikech mano biro miyo obet mamon kodi. To ka irieyo ng’at man gi rieko, to obedo osiepni.

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Isaya 30:10

Giwacho ni jokor wach niya, ‘Kik une fweny.’ Jonabi to giwachonigi ni, ‘Kik ukor wach moro mar adiera, to kornwauru mana weche mamit mag wuondruok.

Isaya 49:7

Ruoth Nyasaye ma Ng’ama Ler, kendo ma Jawar Israel, wacho ni ng’at ma ji charo, ma ogendini nyono gi tiendgi, kendo ma misumba jotend piny, niya “Ruodhi nochung’ni, ka ikadho. Bende jodongo nokulreni piny nikech Ruoth Nyasaye. En Ruoth Nyasaye ma Ng’ama Ler mar Israel ma oseyieri.”

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 36:23

E kinde ka kinde mane Jehudi tieko somo laini adek kata ang’wen, ruoth ne ng’ado kuondego gi pala moro matin, kendo owito e mach. Ne otimo atima kamano nyaka ne otieko kitabuno.

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Amos 5:10

Un to umon gi ng’ama odonjo ni jaketho, kendo uchayo ng’at mawacho adiera.

Mika 2:11

Aneno ni janabi ma ji ohero en mana ng’at ma lworore e kor gweng’, gi weche mag miriambo, kokoro ni ji ni gibiro yudo divai gi kong’o mang’eny.

Mika 2:7

Iparo ni okwong’ jo-Israel koso? Bende Ruoth Nyasaye dikechi, mi tim gik ma kamago adier? Donge en ema owuoyo maber gi joma timbegi ni kare?”

Zekaria 11:8

Kane pok due achiel orumo, ne ariembo jokwath adek nikech ne gijoga, kendo gin bende chunygi nosin koda.

Mathayo 10:22

Ji duto nobed mamon kodu nikech an, to ng’ama otimo kinda nyaka giko ema nokwo.

Johana 17:14

Asenyisogi wachni, mi piny odoko mamon kodgi, nikech ok gin mag piny, mana kaka an bende ok an mar pinyni.

Johana 7:7

Un piny ok nyal mon kodu to an omon koda nikech kinde duto asiko kanyise ni timbene richo.

Jo-Galatia 4:16

To koro asedoko jasiku nikech awachonu adiera koso?