1 Ruodhi 22:53 - MUMA MALER 2015

⁵³ Notiyo ni Baal, kendo nolame, komiyo Ruoth Nyasaye ma Nyasach Israel mirima mana kaka wuon mare notimo.

Motingʼo Loko Manyien

⁵³ Notiyo ni Baal kendo nolame mi nomiyo Jehova Nyasaye, Nyasach Israel, obedo gi mirima mana kaka wuon-gi nosetimo.

1 Ruodhi 22:53 ပူးပေါင်းရင်းမြစ်များ

1 Ruodhi 14:16

Enojwang’ jo-Israel nikech richo Jeroboam, mane omiyo jo-Isarel bende otimo.”

1 Ruodhi 16:7

To Ruoth Nyasaye nosemiyo Jehu ma wuod Hanani owuoyo kuom Baasha gi dhoode nikech Baasha notimo gik ma Ruoth Nyasaye okwero. Baasha nomiyo Ruoth Nyasaye mirima gi timbene mane chalo gi timbe mag dhood Jeroboam, kendo nikech notieko dhoodno.

1 Ruodhi 21:25

Onge ng’at mane ochiwore mar timo gik ma Ruoth Nyasaye okwero kaka Ahab, mane Jezebel chiege chwalo.

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

2 Ruodhi 1:2

Chieng’ moro Ahazia nogore piny koa e dirisa mar gorofa mar ode man Samaria, mohinyore. Nooro joote mondo odhi openj Baal-zebub nyasach Ekron kata kobiro kwo.

2 Ruodhi 3:2

Timbene ne richo e nyim Ruoth Nyasaye, to ok marom gi mago mane wuon mare gi min mare otimo, nikech nogolo siro mar Baal mane wuon mare oloso.

2 Ruodhi 8:18

Noluwo timbe ruodhi mag Israel, kaka jodhood Ahab notimo, nikech nokendo nyar Ahab. Timbene ne richo e nyim Ruoth Nyasaye.

2 Weche mag Ndalo 20:35

Bende Jehoshafat ruodh Juda notimo winjruok gi Ahazia ruodh Israel mane timbene richo.

Zaburi 106:29

Timbegigo nomiyo Nyasaye mirima, mi tho marach ogoyogi.

Isaya 65:3

Gin joma ne kwinya pilepile, kaneno, ka gitimo misengni e puothe, kendo giwang’o ubani e kende molos gi matafali.

Ezekiel 8:3

Ne orieyo gima chalo gi lwedo, mi omaka gi yie wiya. E fwenyno. Roho noting’a malo e kor polo, mi otera Jerusalem, moketa piny e dhoranga laru maiye mar Hekalu mochomo yo nyandwat, kuma nitie nyasaye manono ma Nyasaye mon-go.