1 Ruodhi 22:48 - MUMA MALER 2015

⁴⁸ Jehoshafat nohondho yiedhi madongo machal gi mago mane dhi Tarshish, mondo oomgo dhahabu Ofir. To ne ok gidhi, nikech ne gibarore mana Ezion-giber.

Motingʼo Loko Manyien

⁴⁸ Koro Jehoshafat nohondho yiedhi mag ohala mondo odhi Ofir oom dhahabu to kata kamano ne ok gikwangʼ nikech ne gikethore kama iluongo ni Ezion Geber.

1 Ruodhi 22:48 ပူးပေါင်းရင်းမြစ်များ

Chakruok 27:37

Isaka nodwoko Esau niya, “Aseloke ruodhi, kendo aseloko owetene duto mondo obed jotichne. Aseguedhe gi cham gi divai, koro wuoda ere gima odong’ ma datimni?”

2 Samuel 8:14

Bang’e noketo askeche ma jorit e piny Edom, kendo jo-Edom duto nobet e bwo lochne. Kuonde duto mane Daudi dhiye, Ruoth Nyasaye ne miye locho.

1 Ruodhi 10:22

Ruoth Solomon ne nigi yiedhi mane kwang’ e nam, kaachiel gi yiedhi mag Hiram. Ne gidongo, machal gi mago mane dhi Tarshish. Bang’ higni adek adek, yiedhigo ne kelo dhahabu gi fedha, gi lak liech, gi ong’eche kod bimbe.

1 Ruodhi 22:49

Eka Ahazia wuod Ahab nokwayo Jehoshafat niya, “Yie mondo jowa odhi gi jou e yiedhi mau.” To nodagi.

1 Ruodhi 9:26

Ruoth Solomon nohondho yiedhi moko Ezion-geber but Eloth e dho wadh Nam Makwar e piny Edom.

1 Ruodhi 9:28

Ne gidhi Ofir, kuma ne giomoe dhahabu moromo kilo alufu apar gang’wen, mi ne gikelo ni ruoth Solomon.

2 Ruodhi 3:9

Eka ruodh Israel gi ruodh Juda kod ruodh Edom ne jodhi kanyakla. Ne gitieko ndalo abiriyo ka gilworo kuma bor, nyaka pi norumo ni jolweny kod jamni mane gin go.

2 Ruodhi 8:20

E ndalo loch Jehoram, jo-Edom nodagi bet e bwo loch Juda, mi ne giketo ruodhgi giwegi.

2 Weche mag Ndalo 20:21

Kane oseporo wach gi joge, noyiero joma onego tel nyim jolweny korwako lep lemo, mondo opak Ruoth Nyasaye, ka wer kama: “Gouru erokamano ni Ruoth Nyasaye, nimar herane mosiko ochwere.”

2 Weche mag Ndalo 25:7

To ng’at Nyasaye moro nobiro ire mowachone niya, “A Ruoth, kik iwe jolweny mag jo-Israel dhi kodi nimar Ruoth Nyasaye ok ni kod jo-Israel ma jo-Efraimgi.

2 Weche mag Ndalo 9:21

nimar yiedhi mage ne dhi Tarshish gi jotich Hiram, kendo bang’ higni adek ne gikelo dhahabu gi fedha gi lak liech gi ong’eche kod bimbe.

Zaburi 45:9

Nyiri moko manie dalani gin nyi ruodhi, to e bath komi korachwich, chiegi ochung’ie, korwakore gi dhahabu maler moa Ofir.

Zaburi 48:7

kendo ne gitagore, mana ka yiedhi madongo madhi Tarshish, ma yamb ugue tago.

Isaya 2:16

Kata mana yiedhi madongo duto madhi Tarshish, kod mago mag Arabia bende nokethi chieng’no.

Isaya 60:9

Gin yiedhi moa e pinje manie dhonembe kod chulni, ma biro ka yiedhi madongo mag Tarshish otelonigi. Gikelo yawuoti moa kuma bor, ka nigi dhahabu kod fedha, ma gibiro miyogo nying Ruoth Nyasaye, ma Ng’ama Ler mar Israel duong’, nimar osemiyi duong’.

Jona 1:3

To kane Jona owinjo kamano, nowuok mondo oring odhi Tarshish, oa e wang’ Ruoth Nyasaye. Nodhi Jopa, kuma noyudoe yie madhi Tarshish. Nochulo nengo mar wuoth, mi oidho yie mondo odhi Tarshish kuma bor gi Ruoth Nyasaye.