1 Ruodhi 22:46 - MUMA MALER 2015

⁴⁶ Noriembo joterruok mag kuonde lemo mane otony e ndalo Asa wuon mare, mondo kik gidag e pinye.

Motingʼo Loko Manyien

⁴⁶ Noriembo jochode machwo mane ni kuonde motingʼore mag lemo mane otony e ndalo mag loch wuon-gi Asa.

1 Ruodhi 22:46 ပူးပေါင်းရင်းမြစ်များ

1 Ruodhi 15:12

Noriembo joterruok mag kuonde lemo, kodarogi e pinye, kendo nogolo nyiseche manono mane kwerene oloso.

1 Ruodhi 14:24

Bende ne giketo ji kuonde lemo mondo jolemo oterrego, kaka kit lemo margi nobet. Jo-Juda ne timo timbe makuero duto mag ogendini mane Ruoth Nyasaye oriembo mondo owe ni jo-Israel thuolo.

Rapar mar Chik 23:17

“Onge nyar Israel moro kata wuod Israel moro manyalo bedo jachode e od lemo.

Juda 1:7

Bende paruru Sodom gi Gomora kod mier mokiewo kodgi. Gin bende ne gidonjo e tim terruok kod dwanyruok madhoch, mi giyudo kum mar mach mak tho, mondo obed ranyisi ni ji duto.

Chakruok 19:5

Ne giluongo Lut, mi giwacho niya, “Eke joma nende obiro e odi ka? Golnwagi oko mondo waterre kodgi!”

1 Timotheo 1:10

Okete bende ni joma terore, kendo ni chwo materore gi chwo wetegi, kendo ni joma kwalo ji, gi jomriambo, gi joma kuong’ore gi miriasia. Chutho Chik oketi ni ng’ato ang’ata matimo gimoro amora makedo gi puonj maradier.

1 Jo-Korintho 6:9

Donge ung’eyo ni joketho ok noyud gueth mar Loch Nyasaye? Kik uwuondru, to nyaka ung’e ni jochode kata joma lamo nyiseche manono, kata joma terore, kata chwo materore gi chwo wetegi,

Jong’ad Bura 19:22

Eka sa mane gichiemono, ne gipo ka jodalano moko ma acheje obiro, molworo ot ka goyo dhoot, kendo wacho ni jaduong’ ma wuon ot niya, “Golnwa ng’at mane obiro kodi cha mondo waterrego.”

1 Ruodhi 14:29

Koro weche moko mag Rehoboam, gi timbene duto, ondiki e Kitap Weche mag Ndalo mag Ruodhi mag Juda.