1 Ruodhi 22:42 - MUMA MALER 2015

⁴² Nokawo loch ka en jahigni piero adek gabich, kendo norito piny kuom higni piero ariyo gabich kodak Jerusalem. Min mare ne nyinge Azuba nyar Shilhi.

Motingʼo Loko Manyien

⁴² Jehoshafat ne ja-higni piero adek gabich kane obedo ruoth kendo norito piny kodak Jerusalem kuom higni piero adek gabich. Min mare ne nyinge Azuba nyar Shilhi.

1 Ruodhi 22:42 ပူးပေါင်းရင်းမြစ်များ

1 Ruodhi 14:21

Rehoboam wuod Solomon, ma min mare niluongo ni Naama, nyar Amon, nodoko ruodh Juda. Nochako tich ka en jahigni piero ang’wen gachiel, kendo norito piny kuom higni apar gabiriyo, kodak Jerusalem, dala mane Ruoth Nyasaye oyiero kuom dhout Israel duto mondo nyinge obedie.

1 Ruodhi 15:10

mi norito piny kuom higni piero ang’wen gachiel, kodak Jerusalem. Min mare ne nyinge Maaka nyar Abishalom.

1 Ruodhi 15:2

Norito piny kuom higni adek, kodak Jerusalem. Min mare ne nyinge Maaka, nyar Abishalom.

1 Ruodhi 22:41

E higa mar ang’wen mar loch Ahab ruodh Israel, Jehoshafat wuod Asa nodoko ruodh Juda.

1 Ruodhi 22:43

Jehoshafat noluwo timbe duto mag Asa wuon mare, ma ok oweyo kata achiel, kendo timbene ne long’o e nyim Ruoth Nyasaye. To hembko mane ni kuonde moting’ore ne ok okethi, kendo ji ne pod timo misengni kendo wang’o ubani kuondego.

2 Ruodhi 1:17

Omiyo Ahazia notho kaka Ruoth Nyasaye nomiyo Elija owacho. Joram owadgi nodoko ruoth kare e higa mar ariyo mar loch Jehoram wuod Jehoshafat, ruodh Juda, nikech Ahazia ne onge gi wuowi.

2 Ruodhi 8:16

E higa mar abich mar loch Joram wuod Ahab, ruodh Israel, Jehoram wuod Jehoshafat nodoko ruodh Juda.

2 Weche mag Ndalo 20:31

Mano e kaka Jehoshafat norito Juda. Ne en jahigni piero adek gabich kane odoko ruoth, morito piny kuom higni piero ariyo gabich, kodak Jerusalem, Min mare ne nyinge Azuba nyar Shilhi.