1 Ruodhi 22:4 - MUMA MALER 2015

⁴ Eka nopenjo Jehoshafat niya, “Iyie dhi kodwa mondo waked gi jo-Ramoth-gilead?” Jehoshafat nodwoko ruodh Israel niya, “Ayie! Joga e jogi, kendo faresena e fareseni.”

Motingʼo Loko Manyien

⁴ Omiyo nopenjo Jehoshafat, “Ibiro dhi konya kedo gi jo-Ramoth Gilead?” Jehoshafat nodwoko ruodh Israel niya, “Wan joka ngʼato achiel, joga gin jogi, faresena gin fareseni.”

1 Ruodhi 22:4 ပူးပေါင်းရင်းမြစ်များ

1 Ruodhi 22:29

Kamano ruodh Israel gi Jehoshafat nodhi Ramoth-gilead.

1 Ruodhi 22:5

Eka Jehoshafat nowacho ni ruodh Israel niya, “To mokwongo onego wapenj Ruoth Nyasaye wach.”

1 Ruodhi 4:13

wuod Geber ne rito piny Ramoth-gilead; pinyno ema miech Jair wuod Manase man Gilead ne nitie, kod piny Argob man Bashan, mier piero auchiel mochiel gi ohinga, kendo man gi lodi mag mula.

2 Ruodhi 3:7

Nooro wach ni Jehoshafat ruodh Juda niya, “Ruodh Moab piem koda. Diyie wanywak ni jo-Moab koso?” Jehoshafat nodwoke ni, “Ayie! Joga e jogi, kendo faresena e fareseni.”

2 Weche mag Ndalo 18:3

Nopenjo Jehoshafat niya, “Iyie dhi kodwa Ramoth-gilead?” Nodwoke niya, “Ayie, joga e jogi. Wabiro dhi kodi e lweny.”

2 Weche mag Ndalo 19:2

To Jehu wuod Hanani ma janen nodhi romone mopenje niya, “Bende itimo maber kikonyo joricho kendo ihero joma ok ohero Ruoth Nyasaye? Mirima osemako Ruoth Nyasaye kodi nikech wachni.

Ngeche 13:20

Kibedo e kanyakla mar joma riek, eka ibedo mariek, to kimako osiep gi joma ofuwo to ihinyori.

1 Jo-Korintho 15:33

Kik wuondu! Osiepe maricho ketho timbe mabeyo.

Jo-Efeso 5:11

Beduru mabor gi joma timo timbe mag mudho maonge ohala. To moloyo umi kit timbegi ong’ere ratiro.

2 Johana 1:11

nimar ng’at momose, bende oriwore kode e timbene maricho.

Fweny 2:26

To ng’at molocho, kendo motiyo tichna nyaka giko, anami teko mar bedo gi loch kuom ogendini, mana kaka an bende Wuora ne omiya teko.