1 Ruodhi 22:39 - MUMA MALER 2015

³⁹ Weche moko mag Ahab, gi timbene duto, kod ode mane olos gi lak liech, gi mier duto ma nogero, ondik e Kitap Weche mag Ndalo mag Ruodhi mag Israel.

Motingʼo Loko Manyien

³⁹ Timbe mamoko mag loch Ahab kaachiel gi gik moko duto mane otimo, gi dala ruoth maduongʼ mane ogero mobawo gi lak liech kod mier mane ochielo gi ohinga, donge ondikgi e kitap rapar mar ruodhi Israel?

1 Ruodhi 22:39 ပူးပေါင်းရင်းမြစ်များ

1 Ruodhi 10:18

Bende noloso kom duong’ mang’ongo mar lak liech, mobawo gi dhahabu maler.

1 Ruodhi 10:22

Ruoth Solomon ne nigi yiedhi mane kwang’ e nam, kaachiel gi yiedhi mag Hiram. Ne gidongo, machal gi mago mane dhi Tarshish. Bang’ higni adek adek, yiedhigo ne kelo dhahabu gi fedha, gi lak liech, gi ong’eche kod bimbe.

1 Ruodhi 14:19

Weche moko mag Jeroboam, kod lwenjene, kendo kaka norito piny, ondiki e Kitap Weche mag Ndalo mag Ruodhi mag Israel.

1 Ruodhi 15:23

Weche moko mag Asa, gi tekone kod timbene duto, gi mier mane ogero, ondiki e Kitap Weche mag Ndalo mag Ruodhi mag Juda. Kane oseti, tuo moro nomako tiendene.

1 Ruodhi 15:31

Weche moko mag Nadab, kod timbene duto, ondiki e Kitap Weche mag Ndalo mag Ruodhi mag Israel.

1 Ruodhi 16:20

Koro weche moko mag Zimri, gi timbene mag andhoga, ondiki e Kitap Weche mag Ndalo mag ruodhi mag Israel.

1 Ruodhi 16:27

Koro weche moko mag Omri, gi tekone ma nonyiso, ondik e Kitap Weche mag Ndalo mag Ruodhi mag Israel.

1 Ruodhi 16:5

Weche moko mag Baasha, kaachiel gi tekone, kod timbene duto, ondik e Kitap Weche mag Ndalo mag Ruodhi mag Israel.

1 Ruodhi 22:40

Kane Ahab otho, Ahazia wuode nodoko ruoth kare.

2 Ruodhi 1:18

Timbe moko duto mag Ahazia ondik e kitap Weche mag Ndalo mag Ruodhi mag Israel.

2 Ruodhi 15:15

Koro timbe moko duto mag Shalum, kendo kaka nojamo Zekaria, ondiki e Kitap Weche mag Ndalo mag Ruodhi mag Israel.

Zaburi 45:8

Lepi duto dum manemane gi poda kod dalasini. Jothum bende miyi mor e udi mabeyo mobaw malich gi lak liech.

Ezekiel 27:15

Jo-Rodo noloko kod ohala, kendo ji moa e pinje mang’eny manie dhonam nomiyi lak liech kod bepe mabeyo maratenge kaka chudo kuom gigi.

Ezekiel 27:6

Ngeyni magi to ne giloso gi yiend ober moa Bashan, kendo tati ne giloso gi yiend saipras, mogol e chulni mag Kitim. Eka ne gibawi gi lak liech.

Amos 3:15

Anamuk udi midakie ndalo chwiri kod mago midakie ndalo oro. Udi ma olich igi gi lak liech nodong’ gundni, kendo ot ka ot maduong, nokethi.”

Amos 6:4

Un ma unindo e kitendni molos gi lak liech, kendo utaroru e kombe madongo, kuchamo nyirombe mugolo kuom jambu, kod nyiruedhi machue mopidh maber.