1 Ruodhi 22:36 - MUMA MALER 2015

³⁶ Kane chieng’ dwaro podho, nogo milome ni oganda lweny niya, “Ng’ato ka ng’ato mondo odog thurgi,

Motingʼo Loko Manyien

³⁶ Kane ochopo podho chiengʼ ywak nowinjore e kind jolweny niya, ngʼato ka ngʼato odog e gwengʼ-gi kendo ngʼato ka ngʼato odog e pinygi.

1 Ruodhi 22:36 ပူးပေါင်းရင်းမြစ်များ

2 Samuel 19:8

Mi ruoth nowuok mobet e kome e dhorangach, kendo kane onyis ji ni ruoth obet kanyo, ne gibiro e nyime giduto. To noyudo ka jo-Israel oseringo.

1 Ruodhi 12:16

Kane jo-Israel oneno ni ruoth ok odewogi, ne gidwoke niya, “Waonge wat gi Daudi! Ok wan libamba achiel gi wuod Jesse! Wadoguru dala, wan jo-Israel. Un oganda Daudi, koro rituru mana dhoodu.”

1 Ruodhi 12:24

Ruoth Nyasaye owacho kama, ‘Kik udhi uked gi oweteu ma jo-Israel, to ng’ato ka ng’ato mondo odog dala, nikech gima timoreni oa kuoma.’ ” Ne giwinjo wach Ruoth Nyasaye, mi gidok miechgi kaka Ruoth Nyasaye nowacho.

1 Ruodhi 22:17

Mikaya nowacho niya, “Naneno jo-Isarel duto koke e gode, ka rombe maonge jakwath; kendo nawinjo ka Ruoth Nyasaye wacho niya, ‘Jogi onge gi wuon-gi, we mondo gidog e miechgi gi kue.’ ”

1 Ruodhi 22:31

To ruodh Aram nosechiko jodong lweny piero adek gariyo ma jotend gechene ni kik giked gi ng’at moro amora, to mak mana ruodh Israel kende.

1 Ruodhi 22:35

Lweny nomedore chieng’no, to ne giyiengo ruoth e gache kochomo jo-Aram, kendo rembe nochuer aming’a e gari nyaka notho godhiambo.

1 Ruodhi 22:37

nikech ruoth osetho.” Ne gidwoko ringre ruoth Samaria, mi giyike kuno.

2 Ruodhi 14:12

kendo jo-Israel noloyo jo-Juda, moringo nyaka miechgi.

Jong’ad Bura 21:24

To jo-Israel mamoko bende noke, modok kuom dhoutgi kendo kuom joodgi e miechgi giwegi.

1 Samuel 4:10

Jo-Filistia nokedo gi jo-Israel, mi giloyo, kendo jo-Israel duto noringo odok e miechgi. Ne ologi marach, kendo jogi ma dirom alufu adek notho.