1 Ruodhi 22:30 - MUMA MALER 2015

³⁰ Ruodh Israel nowacho ni Jehoshfat niya, “Kwadhi e lweny, to abiro rwako lewni moko mondo kik ji ng’eya, to in rwak lepi mag ruoth.” Kamano ruodh Israel noloko kite, modhi e lweny.

Motingʼo Loko Manyien

³⁰ Ruodh Israel nowachone Jehoshafat niya, “Abiro rwako lewni moko ka wadhi e lweny mondo kik gifwenya, in to rwak arwaka lepi mag ruoth.” Omiyo ruodh Israel norwako lewni ma ok nyal fwenyego kendo nodhi e lweny.

1 Ruodhi 22:30 ပူးပေါင်းရင်းမြစ်များ

2 Samuel 14:2

Omiyo nooro jaote Tekoa, moomone dhako moro mariek kuno. Joab nowacho ni dhakono niya, “Rwakri gi lep ywak, mondo iwuondri ka ng’ama ywago ng’ama otho. Kik iwirri gi mo, to chal dhako moseywago ng’ama otho kuom ndalo mang’eny.

1 Ruodhi 14:2

Jeroboam nowacho ni chiege niya, “Lok kiti, mondo kik ng’ato ng’e ni in chiega, kendo idhi Shilo ir Ahija janabi ma nokoro ni an ema nabed ruodh pinyni.

1 Ruodhi 20:38

Eka janabino nodhi morito ruoth Ahab e yo, koumo wang’e gi nanga mondo kik ong’eye.

1 Ruodhi 22:10

Koro noyudo ka ruodh Israel gi Jehoshafat ruodh Juda obet e alap manie dhoranga Samaria, ka ng’ato ka ng’ato nie kom duong’ne, korwako lawe mar ruoth, kendo jonabi duto ne koro wach e nyimgi.

2 Weche mag Ndalo 18:29

Ruodh Israel nowacho ni Jehoshafat niya, “Kwadhi e lweny, abiro rwako lewni moko mondo kik ji ng’eya, to in rwak lepi mag ruoth.” Kamano ruodh Israel noloko kite kendo ne gidhi e lweny.

2 Weche mag Ndalo 35:22

Kata kamano Josia ne ok nyal weye, to noramo arama ni nyaka oked kode. Ne ok odewo wach mane Nyasaye omiyo Neko owacho, to nodhi adhiya mi girado e paw Megido.

Zaburi 12:2

Ji duto riambo ni jowetegi, kendo ng’ato ka ng’ato wuondo wadgi gi weche manono.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Jeremia 23:24

Onge ng’ama nyalo pondo kamoro ma ok anyal nene. Donge ung’eyo ni an, an kuonde duto, e polo kendo e piny.

1 Samuel 28:8

Saulo no wako lewni mopogore gi mane ojarwako, mondo orweny ji. Eka nokawo ji ariyo, modhigo ir dhakono gotieno. Nowacho ni dhakono niya, “Korna wach gi nyakalondo, kendo igolna ng’at mabiro wachoni, kuom joma otho.”