1 Ruodhi 22:3 - MUMA MALER 2015

³ Ruodh Israel nopenjo jodonge ni, “Donge ung’eyo ni Ramoth-gilead en dalawa? To waling’ nadi mak wadhi wakawe kuom ruodh Aram?”

Motingʼo Loko Manyien

³ Ruodh Israel nosenyiso jodonge niya, “Donge ungʼeyo ni Ramoth Gilead en marwa to onge gima watimo mondo wakawe kuom ruodh Aram?”

1 Ruodhi 22:3 ပူးပေါင်းရင်းမြစ်များ

2 Samuel 19:10

To Absalom mane wawiro mondo obed ruodhwa koro osetho e lweny. Marang’o waling’ aling’a ma ok wachan kaka wanyalo duogo ruoth?”

1 Ruodhi 22:29

Kamano ruodh Israel gi Jehoshafat nodhi Ramoth-gilead.

1 Ruodhi 4:13

wuod Geber ne rito piny Ramoth-gilead; pinyno ema miech Jair wuod Manase man Gilead ne nitie, kod piny Argob man Bashan, mier piero auchiel mochiel gi ohinga, kendo man gi lodi mag mula.

2 Ruodhi 8:28

Ahazia gi Joram wuod Ahab ne jodhi Ramoth-gilead mondo oked gi Hazael ruodh Aram, to nopo ka jo-Aram ohinyo Joram kuno.

2 Ruodhi 9:14

Kamano e kaka Jehu wuod Jehoshsfat ma wuod Nimshi nochako piem gi Joram, mondo ogol e tich ruoth.

Rapar mar Chik 4:43

Miergo ne: Bezer-e-thim manie piny gode motarore, mane jo-Reuben nyalo pondoe, gi Ramoth-gilead manie piny Gilead, mane jo-Gad nyalo pondoe, kod Golan manie piny Bashan, mane jo-Manase bende nyalo pondoe.

Joshua 20:8

To yo wuok chieng’ mar aora Jordan, e piny mamalo momanyore gi Jeriko, ne giyiero Bezer-me-thim kuom piny jo-Reuben, gi Ramoth-gilead kuom piny jo-Gad, kod Galon-bashan kuom piny jo-Manase.

Joshua 21:38

To e piny jo-Gad ne giyudoe mier ang’wen, mane gin Ramoth-gilead, (ma bende dala ma ng’at moneko nyalo tonyie,) gi Mahanaim

Jong’ad Bura 16:2

Jo-Gaza nowinjo ni Samson ni kuno, ne gilworo kama ne entieno, ka gibutone otieno duto e dhoranga dala to ne ok gitimone gimoro ka giparo ni gibiro nege ka piny oru.

Jong’ad Bura 18:9

Ne gidwokogi niya, “Waseneno piny momew ahinya. Omiyo wadhiuru wamonj joma odakie. Kik udeki kayiem nono, to returu umonj pinyno kendo ukaw,