1 Ruodhi 22:27 - MUMA MALER 2015

²⁷ Wachnigiuru niya, ‘Ruoth owacho ni mondo uket ng’atni e od tuech, kendo umiye mana kuon abang’a gi pi kende, nyaka aduog ka angima.’ ”

Motingʼo Loko Manyien

²⁷ kendo uwachne ni, ‘Gima ruoth wacho ema: Ket ngʼatni e od twech kendo kik imiye gimoro amora makmana makati kod pi nyaka aduogi kangima.’ ”

1 Ruodhi 22:27 ပူးပေါင်းရင်းမြစ်များ

1 Ruodhi 13:4

Kane ruoth Jeroboam owinjo wach mane ng’at Nyasaye okuong’ogo kendo-mar-misango man Bethel, nogolo bade e misango, mosiemo ng’atno, kowacho niya, “Makeuru!” To bede mane osiemogo ng’atno notal, mi ne ok onyal dole kendo.

1 Ruodhi 22:26

Ruodh Israel nowacho ni, “Makuru Mikaya, uter ir Amon jaduong’ Samaria, kod Joash wuod ruoth, mondo girite.

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

Zaburi 102:9

Buru e chiemba, kendo pi wang’a ton kuom gima amadho,

Zaburi 127:2

Bende onge tiende tiyo matek mondo uyud chiemo, kuchiew gokinyi mang’ich, kendo kudhi nindo molewo, nimar Ruoth Nyasaye ema miyo nindo tero ng’at mohero.

Zaburi 80:5

Isemiyowa pi wang’ mondo obed chiembwa. Adier, isemiyowa agwata maduong’ ma pi wang’ opong’o, mondo wamodhi.

Isaya 30:20

Kata obedo ni omiyo chiembu gi piu doko matin, mi uthagru, to en, ma en japuonju, ok nochak opondnu kendo, to unubed kunene gi wang’u pile.

Jeremia 20:2

nogolo chik mochwad Jeremia, kendo otueye e lodi e dhoranga Hekalu miluongo ni Ranga Benjamin mamalo.

Jeremia 29:26

‘Ruoth Nyasaye ne oketi jadolo kar Jehoyada, kendo koro in e jatelo maduong’ e Hekalu, kuom mano, en tiji mondo ine ni ng’ato ang’ata ma janeko to wuondore ni en janabi to mondo otue gi nyororo kod chuma molworo ng’ute.

Jeremia 36:23

E kinde ka kinde mane Jehudi tieko somo laini adek kata ang’wen, ruoth ne ng’ado kuondego gi pala moro matin, kendo owito e mach. Ne otimo atima kamano nyaka ne otieko kitabuno.

Jeremia 37:15

Kane jodongogo oneno Jeremia, ne gikecho kode ahinya, mi gigolo chik mondo ochwade, kendo olorne e od Jonathan ma jang’ad ni ruoth rieko. (Od Jonathanno ne koro olok od tuech.)

Jeremia 38:6

Kuom mano ne gikawo Jeremia, mi ginyumo e soko jaduong’ Malkia, mane nie laru mar od jorit. Sokono ne onge pi, mak mana chuodho, omiyo ne gilore piny, e iye gi tonde, mi onyumore e chuodho.

Luka 3:20

Herode nomake, mokete e jela. Kamano Herode notimo gima rachie moloyo.

Tich Joote 26:10

Adier, mano e gima ne atimo Jerusalem. Ne ayudo teko kuom jodolo madongo mi aketo jo-Nyasaye mang’eny e jela, kendo kane ong’adnigi buch tho, to an bende ne ayie ni mondo oneggi.

Tich Joote 5:18

Omiyo ne gimakogi, mi giketogi e jela.

Jo-Efeso 3:1

Mano emomiyo an Paulo, ng’at motue mar Kristo Yesu nikech un joma ok jo-Yahudi, agoyo chonga piny mondo alem.

Rapar mar Chik 16:3

Kik ucham sawono gi makati moketie thowi, to kuom ndalo abiriyo unucham mana makati ma ok ketie thowi, ma en ranyisi mar sandruoku, nikech nuwuok Misri kurikni. Mano nobednu rapar mochwere muparogo chieng’ mane uwuokie Misri.

Jo-Hibrania 11:36

Jomoko ne oyany kendo ochwadi, to jomoko ne otue mi oketi e jela.

Fweny 2:10

Kik iluor sand ma ibiro yudo, nikech jachien biro bolo jomoko kuomu e jela mondo otemu, kendo ubiro yudo sandruok kuom ndalo apar. To bed jaadiera nyaka kar tho, mi anamiyi osimbo mar ngima, kaka ranyisi ni iselocho.