1 Ruodhi 22:25 - MUMA MALER 2015

²⁵ Mikaya nodwoke niya, “Chieng’ ma inidonji e ot maiye mondo ipondie, eka ining’e!”

Motingʼo Loko Manyien

²⁵ Mikaya nodwoke niya, “Ibiro fwenyo chiengʼ ma iniring kidhi pondo e ot maiye.”

1 Ruodhi 22:25 ပူးပေါင်းရင်းမြစ်များ

1 Ruodhi 20:30

Joma nodong’ noringo modonjo e dala Afek, to ohinga mar dala nopodho, monego ji alufu piero ariyo gabiriyo kuomgi. Ben-hadad bende noringo, modonjo e dalano, kendo nopondo ei ot moro maiye.

1 Ruodhi 22:26

Ruodh Israel nowacho ni, “Makuru Mikaya, uter ir Amon jaduong’ Samaria, kod Joash wuod ruoth, mondo girite.

2 Ruodhi 9:2

Kichopo, dwar Jehu wuod Jehoshafat ma wuod Nimshi. Kisetundo kama entie, to gole kuom jolweny wetene, kendo itere e ot ma iye.

Jeremia 23:15

Kuom mano, an Ruoth Nyasaye Manyalo Gik Moko Duto, awuoyo kuom jonabi mag Jerusalem, ni abiro miyogi alode makech mondo gicham, kod pi motimo kwiri mondo gimodhi, nikech giselando weche makwedo Nyasaye e pinygi duto.”

Jeremia 29:32

Nowacho niya, “An Ruoth Nyasaye abiro kumo Shemaya gi nyikwaye duto, nikech ne owuoyo ka gima en janabi, mi omiyo uyie weche mag miriambo, to ne ok aore. Ok nobed gi nyikwayo ma nochung wiye e ogandau, bende obiro tho ka pok oneno gik mabeyo ma abiro timo ni joga, nikech nowachonigi mondo gitamre mako chikena. An Ruoth Nyasaye ema awacho kamano.”

Jeremia 32:8

Kane Ruoth Nyasaye osenyisa kamano, Hanamel ma wuod owadgi wuora nobiro ira e laru mar jorit, mowachona niya, “Ng’iew puotha man Anathoth e piny Benjamin, nikech in watna mahie, omiyo in ema in gi ratiro mar ng’iewe obed mari.” To koro nang’eyo ni Ruoth Nyasaye ema dwaro mondo ang’iew puodhono.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Kwan 31:8

To bende ne ginego Evi gi Rekem gi Zur gi Hur kod Reba, mane ruodhi abich mag Midian, kaachiel gi Balaam wuod Beor.

2 Petro 2:1

To jonabi mag miriambo bende nowuok kuom oganda Nyasaye e ndalo mokadho. Kamano bende e kaka jopuonj mag miriambo biro wuok kuomu. Ginikel ling’ling’ puonj mag miriambo maketho ji, kendo ginikwed kata mana Ruoth mane owarogi, mi gimi tiekgi piyopiyo nono.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.