1 Ruodhi 22:23 - MUMA MALER 2015

²³ Koro sani Ruoth Nyasaye oseketo roho mar miriambo e dho jonabini duto. To kata kamano Ruoth Nyasaye oseng’adoni buch masira.”

Motingʼo Loko Manyien

²³ “Omiyo koro sani Jehova Nyasaye oseketo roho mar miriambo e dho jonabigi duto. Jehova Nyasaye osengʼadoni buch masira.”

1 Ruodhi 22:23 ပူးပေါင်းရင်းမြစ်များ

1 Ruodhi 20:42

Nowacho ni ruoth niya, “Ruoth Nyasaye owacho kama: ‘Ng’at ma nyocha adwaro ni mondo otho, iseweyo odhi, omiyo ibiro tho kare, kendo jogi biro tho kar joge.’ ”

1 Ruodhi 21:19

To wachne ni Ruoth Nyasaye owacho kama: ‘Kara iseneko kendo yeko?’ Eka imed nyise ni Ruoth Nyasaye owacho niya, ‘Kama nyocha guogi onang’oe remb Naboth, ema nonang’ie mari bende!’ ”

1 Ruodhi 22:24

Eka Zedekia wuod Kenaana nosudo machiegnii, mothalo lemb Mikaya, kapenje niya, “Ere kaka Roho mar Ruoth Nyasaye ne nyalo a kuoma mondo owuo kodi?”

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Wuok 10:20

To Ruoth Nyasaye nomiyo chuny Farao odoko matek, mi ne ok oweyo jo-Israel odhi.

Wuok 4:21

Ruoth Nyasaye nowacho ni Musa niya, “Koro ero idok Misri, to nyaka ine ni itimo honni ma asemiyi teko ni mondo itim, e nyim Farao. To abiro miyo chunye doko matek, mi ok nowe jo-Israel thuolo mondo oa.

Isaya 3:11

Jaricho to nigi masira, kendo gik moko duto dhine marach, nikech oyudo pok moromo gi timbene maricho.

Isaya 44:20

Ng’at ma kamano chamo mana buch kendo! Parone mofuwo osewuonde, mowite. Omiyo oonge gi rieko monyalo parogo ni gima oting’o e lweteno ok en gima adier.

Jeremia 18:11

Omiyo koro dhi inyis jo-Juda gi jo-Jerusalem ni achano kelonigi masira, kendo abiro kumogi. Kwergi mondo giwe richogi. Kendo ng’ato ka ng’ato olok yorene gi timbene maricho.

Ezekiel 14:9

“Ka gimoro owuondo janabi, mi owacho wach ma ok adier, to an Ruorh Nyasaye ema awuonde, omiyo abiro rieyo bada mondo atieke, oa kuom jo-Israel.

Kwan 24:13

ni kata dibed ni Balak dwaro miya fedha kod dhahabu duto manie ode, to ok anyal chayo chik Ruoth Nyasaye, ka atimo dwarona awuon, bed ni en gima ber kata gima rach, to abiro wacho mana gima Ruoth Nyasaye onyisa.

Rapar mar Chik 2:30

To kata kamano, Sihon ruodh Heshbon nodagi miyowa thuolo mondo wakadhi, nimar Ruoth Nyasaye ma Nyasachu nomiyo toke odoko matek mondo ochiwe kaachiel gi pinye e lwetu, kendo uneno ka pinyno pod marwa nyaka chil kawuono.

Jong’ad Bura 9:23

Bang’e Nyasaye nomiyo jo-Shekem odhaw kode, mi ging’anyone.