1 Ruodhi 21:29 - MUMA MALER 2015

²⁹ “Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

Motingʼo Loko Manyien

²⁹ “Bende isefwenyo kaka sani Ahab osebolore e nyima? Nikech osebolore, ok anakel masirani e ndalone, to abiro kele e ode e kinde mag wuode.”

1 Ruodhi 21:29 ပူးပေါင်းရင်းမြစ်များ

1 Ruodhi 11:12

Ok abi timo kamano e ndaloni, nikech pod aparo Daudi wuoru, to anagol loch e lwet wuodi.

1 Ruodhi 21:28

Mi wach Ruoth Nyasaye nobiro ni Elija ja-Tishbe niya,

1 Ruodhi 22:1

Higni adek nokadho ka lweny onge e kind jo-Aram gi jo-Israel.

2 Ruodhi 10:1

Noyudo ka yawuot Ahab piero abiriyo odak Samaria. Omiyo Jehu nondiko barupe, mooro Samaria ni jodong dala kod joma ne pidho yawuot Ahabgo, kowacho niya,

2 Ruodhi 10:11

Eka Jehu nonego jodhood Ahab duto ma nodong’ Jezreel, gi jodonge duto gi osiepene kod jodolo mage, nyaka ne onge kata ng’at achiel modong’.

2 Ruodhi 22:19

‘Kane iwinjo wechena mane awacho kuom pinyni kod joma odakie, ni ginibed joma okuong’ kendo okwedi, chunyi ne yom, kendo odembore, miyiecho lepi kendo iywak e nyima. Emomiyo an bende asewinjo ywakni.

2 Ruodhi 9:24

To Jehu noywayo asere gi tekone duto, mochwowo otenga Joram, mi asere nopowo e dho chunye, monywowore e gache.

2 Ruodhi 9:33

Jehu nowacho nigi niya, “Dhiruru dhakono piny.” Kamano ne gidhire, mi rembe nokirore e kor ot, kendo farese nonyone.

2 Weche mag Ndalo 12:7

Kane Ruoth Nyasaye oneno ka gibolore kamano, nonyiso Shemaya niya, “Gisebolore omiyo ok natiekgi, to abiro resogi bang’ ndalo manok, kendo ok nato mirimba kuom Jerusalem gi lwet Shishak.

Zaburi 18:44

Kane giwinjo humba, to ne giyie lochna mana gikanyono. Ji moa e pinje mamoko ne biro ira kobolore.

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Jeremia 7:17

Donge ineno gik ma gitimo e miech Juda kendo e yore mag Jerusalem?

Daniel 4:27

Kuom mano, ruoth, luw gima anyisini. We timo marach, to tim maber, kendo ikech joma odhier mondo ichulgo richo misetimo. Kamano nidhi nyime maber.”

Jona 3:10

Nyasaye noneno gima ne gitimo, mokaka ne giweyo yoregi maricho. Omiyo nolokore, mi ok okelo masira kuomgi kaka nosesiemogi.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Luka 7:44

Bang’ mano, nolokore, mong’iyo dhakono, mi openjo Simo niya, “Ineno dhakoni? Nende abiro e odi, to ne ok imiya pi mondo alwokgo tienda. En to oselwoko tienda gi pi wang’e, kendo oyweyo gi yie wiye.

Jo-Rumi 2:4

Koso itimo kamano nikech ichayo Nyasaye nimar ong’won ahinya kendo ohore mos, mak okumi piyo? Donge ing’eyo ni Nyasaye ng’won kamano mana nikech odwaro ni mondo ilokri?

2 Petro 3:9

To kik upar ni Ruoth odeko kuom timo gima osesingore ni obiro timo kaka jomoko paro. Ooyo, ohorenu mos kapod orito, nikech ok odwar ni mondo ng’ato olal, to odwaro ni mondo ji duto olokre owe richogi.