1 Ruodhi 21:2 - MUMA MALER 2015

² Ahab nowacho ni Naboth niya, “Miya puothi mar mzabibu, mondo aloke puoth alot, nikech ochiegni gi oda. Anyalo miyi puoth mzabibu maber moloye; kata kihero, to anachuli nengo moromo kode.”

Motingʼo Loko Manyien

² Ahab nowachone Naboth niya, “Yie akaw puothi mar mzabibu alok puoth alot nikech ochiegni gi dalana maduongʼ. To kar puodhono abiro miyi puoth mzabibu maber moloyo, to bende ka ihero to anachuli gimoro amora midwaro.”

1 Ruodhi 21:2 ပူးပေါင်းရင်းမြစ်များ

Chakruok 16:6

Abram nodwoke niya, “Jatichnino nie lweti. Inyalo timone gima ihero.” Omiyo Sarai nothago Hagar, nyaka Hagar noringo moa.

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

1 Ruodhi 21:3

To Naboth nodwoko Ahab niya, “Mano kuero! Ok anyal miyi mwandu kwerena.”

1 Ruodhi 21:6

Nodwoke niya, “Akuyo nikech nakwayo Naboth ja-Jezreel ni mondo ang’iew puothe mar mzabibu, to ka ok odwar pesa to mondo awilne gi puodho machielo. To nokwera ni ok onyal miya puothe.”

2 Ruodhi 9:27

Kane Ahazia ruodh Juda oneno gima otimore, noringo kochomo Beth-hagan. Jehu nolawe, kawacho niya, “En bende negeuru!” Mi ne gichwowe ka geche idho got Gur, machiegni gi Ibleam. Noringo nyaka Megido, motho kuro.

Wuok 20:17

“Kik igomb od ng’ato, kata chi ng’ato, kata misumba ng’ato, kata dher ng’ato, kata kanj ng’ato, kata gimoro amora ma ng’ato nigo.”

Eklesiastes 2:5

Bende ne aloso puothe moko mi apidhoe kit olembe duto.

Wer Mamit 4:15

Soko nie puodhono. Aore mamol koa got Lebanon bende kelone pi.”

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Luka 12:15

Eka nomedo wacho ni ji duto niya, “Beduru motang’, mondo uritru kuom gombo duto nikech mwandu ok nyal miyo ng’ato bed mangima, kata dabed ni omew machal nadi.”

Rapar mar Chik 11:10

Piny ma ubiro donjoe mondo udagieno ok chal gi piny Misri kuma ne uaye, nimar kuno kane usechwoyoe cham, to bang’e nusombo pi uole, mana kaka itimo ni puoth alot.

Rapar mar Chik 5:21

“ ‘Kik igomb chi ng’ato kata od ng’ato kata puoth ng’ato kata misumba ng’ato kata dher ng’ato kata kanj ng’ato, kata gimoro amora mar ng’ato.’

1 Timotheo 6:9

Joma dwaro bet jomwandu podho e tem kod gombo mathoth mofuwo kendo mahinyogi. Gombo ma kamago rwako ji e kethruok, kendo miyo ji lal,

1 Samuel 29:6

Omiyo Akish noluongo Daudi, mowachone niya, “Gi nying Ruoth Nyasaye, in jaadiera, kendo an to aneno ni owinjore wadhi kodi e lweny, nikech pok aneno rach moro kuomi, chakre ndalo mane ibiroe ira, nyaka chil kawuono. To kata kamano, jodongo ok oyie kodi.

1 Samuel 8:14

Enokaw puotheu mabeyo moloyo mag cham, gi mag mzabibu, kod mag zeituni, mi enomi jotichne.

1 Samuel 8:6

To kane gikwayo Samuel mondo omigi ruoth kamano, wachno ne rachne, mi nolamo Ruoth Nyasaye,