1 Ruodhi 20:38 - MUMA MALER 2015

³⁸ Eka janabino nodhi morito ruoth Ahab e yo, koumo wang’e gi nanga mondo kik ong’eye.

Motingʼo Loko Manyien

³⁸ Eka janabino nodhi mochungʼ e bath yo korito ruoth. Noumo wangʼe gi kilemba mar wiye mondo kik fweny ni en ngʼa.

1 Ruodhi 20:38 ပူးပေါင်းရင်းမြစ်များ

2 Samuel 14:2

Omiyo nooro jaote Tekoa, moomone dhako moro mariek kuno. Joab nowacho ni dhakono niya, “Rwakri gi lep ywak, mondo iwuondri ka ng’ama ywago ng’ama otho. Kik iwirri gi mo, to chal dhako moseywago ng’ama otho kuom ndalo mang’eny.

1 Ruodhi 14:2

Jeroboam nowacho ni chiege niya, “Lok kiti, mondo kik ng’ato ng’e ni in chiega, kendo idhi Shilo ir Ahija janabi ma nokoro ni an ema nabed ruodh pinyni.

1 Ruodhi 20:37

Janabino noyudo ng’at machielo, mi owachone niya, “Yie igoya.” Ng’atno nogoye mohinye.

1 Ruodhi 20:41

Eka janabino noelo nanga e wang’e piyopiyo, mi ruodh Israel nong’eyo ni en achiel kuom jonabi.

1 Ruodhi 22:30

Ruodh Israel nowacho ni Jehoshfat niya, “Kwadhi e lweny, to abiro rwako lewni moko mondo kik ji ng’eya, to in rwak lepi mag ruoth.” Kamano ruodh Israel noloko kite, modhi e lweny.

Mathayo 6:16

“Ka utueyo chiemo, to kik ujuond wang’u kaka joma wuondore ni ohero Nyasaye timo, nikech gin gijuondo wang’gi mondo ji one maonge kiawa ni gitueyo chiemo. Adier awachonu ni gin giseyudo pokgi.