1 Ruodhi 20:34 - MUMA MALER 2015

³⁴ Ben-hadad nowachone ni, “Abiro dwoko mier mane wuora omayo wuoru, kendo iniyud thuolo mar yawo kuonde ohala Damaski, kaka wuora notimo e dala Samaria.” Ahab nodwoke niya, “Abiro gonyi kiyie timo kamano.” Mi notimo kode winjruok, mogonye.

Motingʼo Loko Manyien

³⁴ Ben-Hadad noyie mowachone niya, “Abiro dwoko mier mane wuonwa okawo kuom wuonu.” Inyalo keto chirni magu uwuon Damaski mana kaka wuonwa notimo Samaria. Ahab nodwoke niya, “Kuom winjruok ma wabiro timo abiro weyi mondo idhi.” Kuom mano notimo kode winjruok moweye odhi.

1 Ruodhi 20:34 ပူးပေါင်းရင်းမြစ်များ

1 Ruodhi 15:20

Ben-hadad noyie kwayo mar ruoth Asa, mi nooro jotend ogend lweny mondo omonj miech Israel. Noketho Ijon, gi Dan, gi Abel-beth-Maaka, gi paw Kineroth duto, kod piny Naftali.

1 Ruodhi 20:33

Noyudo ka jogo rito gima dinyisgi parone, omiyo ne giyiene mapiyo niya, “Adier, Ben-hadad en owadu.” Nowachonigi ni, “Dhiuru ukele ka.” Ben-hadad nodhi ir Ahab, mi Ahab noluonge mondo giidh kode gache.

1 Ruodhi 20:42

Nowacho ni ruoth niya, “Ruoth Nyasaye owacho kama: ‘Ng’at ma nyocha adwaro ni mondo otho, iseweyo odhi, omiyo ibiro tho kare, kendo jogi biro tho kar joge.’ ”

1 Ruodhi 22:31

To ruodh Aram nosechiko jodong lweny piero adek gariyo ma jotend gechene ni kik giked gi ng’at moro amora, to mak mana ruodh Israel kende.

2 Weche mag Ndalo 16:4

Benhadad noyie kwayo mar ruoth Asa, mi nooro jotend jolweny mondo omonj miech jo-Israel. Noketho Ijon gi Dan gi Abelmaim kod miech keno duto mag Naftali.

2 Weche mag Ndalo 18:30

To ruodh Aram nosechiko jodong lweny ma jotend gechene ni kik giked gi ng’at moro amora, mak mana ruodh Israel kende.

Isaya 26:10

Jaricho to kata da dhial manade, to pod ok onyal puonjore tim makare, to omedo ameda timo richo e piny ma adiera nitie, ka ok odew duong’ mar Ruoth Nyasaye.

Isaya 8:12

Gik ma jogi luongo ni ler, kik iluong ni ler. Bende gik ma giluoro kik iluor, kata kik goyi kibaji.

Rapar mar Chik 7:2

Kosechiwogi e lwetu kamano, muloyogi to nyaka uneggi duto. Kik utim kodgi winjruok, to bende kik uwe mak utiekogi,

1 Samuel 11:1

Bang’ due achiel, Nahash ja-Amon nodhi molworo Jabesh-gilead mondo okaw. Omiyo jo-Jabesh duto nowacho ni Nahish niya, “Tim kodwa winjruok, mondo wabed jogi.”

1 Samuel 15:8

Agag, ruodh jo-Amalek, ema nomako kangima, to jomoko duto nonego pep.

1 Samuel 15:9

Saulo gi joge noweyo Agag kangima, to bende ne ok giketho rombe gi dhok machwe gi nyirombe kod gik moko mabeyo. To gik moko maricho, ma onge ohala, ema ne giketho chuth.