1 Ruodhi 20:32 - MUMA MALER 2015

³² Kuom mano, ne gitueyo piende gugru e nungogi, kod tonde e ng’utgi, mi gidhi ir ruodh Israel. Ne giwachone niya, “Ben-hadad jatichni osayi ni kik inege.” Ahab nopenjogi niya, “Kara, pod ongima? En owadwa.”

Motingʼo Loko Manyien

³² Negidhi ir ruodh Israel ka girwako lep pien gugru e nungogi kendo gitweyo tonde wigi mi giwachone niya, “Jatichni Ben-Hadad wacho niya, Yie iweya abed mangima.” Eka ruoth nodwoko niya, “Pod ongima? En owadwa.”

1 Ruodhi 20:32 ပူးပေါင်းရင်းမြစ်များ

1 Ruodhi 20:31

Jodonge nodhi ire, mowachone niya, “Wasewinjo ni ruodhi mag Israel ng’won. We mondo watue piende gugru e nungowa, kod tonde e ng’utwa, wadhi ir ruodh Israel, dipo koreso ngimani.”

1 Ruodhi 20:33

Noyudo ka jogo rito gima dinyisgi parone, omiyo ne giyiene mapiyo niya, “Adier, Ben-hadad en owadu.” Nowachonigi ni, “Dhiuru ukele ka.” Ben-hadad nodhi ir Ahab, mi Ahab noluonge mondo giidh kode gache.

1 Ruodhi 20:42

Nowacho ni ruoth niya, “Ruoth Nyasaye owacho kama: ‘Ng’at ma nyocha adwaro ni mondo otho, iseweyo odhi, omiyo ibiro tho kare, kendo jogi biro tho kar joge.’ ”

2 Ruodhi 10:5

Omiyo jaduong’ od ruoth gi jaduong’ dala kaachiel gi jodongo kod jogo mane pidho yawuowigo nooro ni Jehu wach niya, “Wan jotichni, kendo wayie timo gimoro amora miwachonwa. Ok wanaket ng’at moro obed ruoth. Tim atima gima idwaro.”

Isaya 10:12

Ka Ruoth Nyasaye osetieko kumo jo-Jerusalem kaka nochano to enokum ruodh Asuria kuom timbene mag sunga kod ng’ayi,