1 Ruodhi 20:31 - MUMA MALER 2015

³¹ Jodonge nodhi ire, mowachone niya, “Wasewinjo ni ruodhi mag Israel ng’won. We mondo watue piende gugru e nungowa, kod tonde e ng’utwa, wadhi ir ruodh Israel, dipo koreso ngimani.”

Motingʼo Loko Manyien

³¹ Jodonge nowachone niya, “Ne, wasewinjo ni ruodhi mag jo-Israel ngʼwon. Yie wadhi ir ruodh Israel ka watweyo pien gugru e nungowa kendo ka watweyo tonde e wiwa. Dipo ka okechi.”

1 Ruodhi 20:31 ပူးပေါင်းရင်းမြစ်များ

Chakruok 37:34

Noyiecho lepe, morwako pien gugru, kendo noywago wuode kuom ndalo mang’eny.

2 Samuel 14:2

Omiyo nooro jaote Tekoa, moomone dhako moro mariek kuno. Joab nowacho ni dhakono niya, “Rwakri gi lep ywak, mondo iwuondri ka ng’ama ywago ng’ama otho. Kik iwirri gi mo, to chal dhako moseywago ng’ama otho kuom ndalo mang’eny.

2 Samuel 3:31

Daudi nowacho ni Joab gi ji duto mane ni kode niya, “Yiechuru lepu, urwakru gi piende gugru, kendo uywag Abner.” Daudi owuon nodhi e liel ka luwo bang’ Abner.

1 Ruodhi 20:23

Jodong Aram nowacho ni ruodhgi niya, “Nyasach jogo en nyasach gode; mano emomiyo ne giloyowa. Koro onego waked kodgi e pap, eka wanalogi adier.

1 Ruodhi 20:32

Kuom mano, ne gitueyo piende gugru e nungogi, kod tonde e ng’utgi, mi gidhi ir ruodh Israel. Ne giwachone niya, “Ben-hadad jatichni osayi ni kik inege.” Ahab nopenjogi niya, “Kara, pod ongima? En owadwa.”

2 Ruodhi 5:13

To jotichne nosudo bute, mopenje niya, “Wuonwa, ka da janabi chiki ni mondo itim gimoro maduong’, donge ditimo? To koro ok ber moloyo kowachoni mana ni mondo inyumri e pi, idok maler?”

2 Ruodhi 7:4

Kwadonjo e dala, to kech ni kuno, wabiro tho. Kata kwamedo bet ka, pod wabiro mana tho. Ber wadog ni jo-Aram. Ka ging’wononwa, to wanabed mangima. To kata ka gidagi, bende watho.”

Ayub 2:4

To Satan nodwoko ni, “Dhano nyalo yie weyo gimoro amora ma en go mana ni mondo obed mangima.

Zaburi 69:11

Arwakora gi pien gugru, to ginyiera anyiera.

Ngeche 20:28

Ruoth mang’won ma timne kare kendo ma jaadiera ema siko korito pinye.

Isaya 16:5

to kom loch nogur kuom ng’wono mar Nyasaye, kendo jang’ad bura mar adier ma nyakwar Daudi ema nobed e komno. Enobed ng’at madwaro mana adiera, kendo ma timo gik makare mak odeko.

Isaya 22:12

Chieng’no Ruoth Nyasaye Manyalo Gik Moko Duto noluongu mondo uywagi kendo udengi, kendo mondo uliel wiu kendo urwak piende gugru.

Isaya 37:1

Kane ruoth Hezekia owinjo wechego, noyiecho lepe, mi orwako pien gugru, kendo odhi e Od Ruoth Nyasaye.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”