1 Ruodhi 20:30 - MUMA MALER 2015

³⁰ Joma nodong’ noringo modonjo e dala Afek, to ohinga mar dala nopodho, monego ji alufu piero ariyo gabiriyo kuomgi. Ben-hadad bende noringo, modonjo e dalano, kendo nopondo ei ot moro maiye.

Motingʼo Loko Manyien

³⁰ Joma nodongʼ kuomgi notony modhi Afek kama ohinga nomukore monego ji alufu piero ariyo gabiriyo. To Ben-Hadad noringo modhi e dala maduongʼ mopondo ei ot maiye.

1 Ruodhi 20:30 ပူးပေါင်းရင်းမြစ်များ

2 Samuel 18:8

Lweny nolandore, mokwako pinyno duto, mi chieng’no joma ne otho e bungu ne ng’eny moloyo mago mane jolweny onego.

1 Ruodhi 20:10

Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

1 Ruodhi 20:20

Ng’ato ka ng’ato nonego ng’ate, mi jo-Aram noringo, ka jo-Israel lawogi. To Ben-hadad ruodh Aram noidho faras motony kaachiel gi joidh faresene moko.

1 Ruodhi 20:26

E ndalo oro, Ben-hadad nochoko jo-Aram, mi nodhi Afek mondo omonj jo-Israel.

1 Ruodhi 20:29

Ne gijot ka gimanyore kamano kuom ndalo abiriyo. Chieng’ mar abiriyo ne girado ni lweny, kendo odiechieng’no jo-Israel nonego jo-Aram alufu mia achiel.

1 Ruodhi 22:25

Mikaya nodwoke niya, “Chieng’ ma inidonji e ot maiye mondo ipondie, eka ining’e!”

2 Ruodhi 10:24

Eka nochako wang’o misango kendo timo liswa. To Jehu noseketo askeche piero aboro oko, mondo orit ot, kawachonigi niya, “Ka ng’ato kuomu oweyo ng’at achiel kuom joma aseketo e lwetu otony, to en ema notho kar ng’atno!”

2 Ruodhi 9:2

Kichopo, dwar Jehu wuod Jehoshafat ma wuod Nimshi. Kisetundo kama entie, to gole kuom jolweny wetene, kendo itere e ot ma iye.

2 Weche mag Ndalo 18:24

Mikaya nodwoke niya, “Chieng’ ma inidonji e ot maiye mondo ipondie, eka ning’e!”

Zaburi 18:25

In Ruoth Nyasaye in jaadiera ni joma ohero adiera, kendo ilong’o ni joma long’o.

Isaya 24:18

Ka uringo masira, to ununyumru e bur, kendo ka utony mak unyumoru e bur, to obadho nomaku, nikech masira biro lwar kuomu koa e polo, kendo piny duto noyiengni marach.

Isaya 30:13

omiyo richouno biro chalonu okak manie ohinga mabor, ma miyo ohinga barore tiarara, kendo podho ka diemo wang’,

Jeremia 48:44

Ng’ato ang’ata ma temo tony e masira biro nyumore e bugo, to ng’ama owuok e bugo, obadho biro mako, Mago duto biro timore ni jo-Moab chieng’ ma akumogie.

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Amos 9:3

Ka gipondo ewi got Karmel, to nadwargi nyaka amakgi. Ka gipondona e bwo pi matut, to anachik thuol mondo okagi kuro.

Luka 13:4

Koso uparo ni ji apar gaboro mane ohinga mar Siloam opodho kuomgi, mi onego kande, ne joketho moloyo jo-Jerusalem mamoko duto koso?

Joshua 13:4

yo milambo, gi piny jo-Kanaan duto, chakre Meara e piny jo-Sidon nyaka Afek gi mbap jo-Amor,

Jong’ad Bura 9:40

Ringre jomotho nopie kanyo mochopo e dhoranga Shekem.

1 Samuel 29:1

Jo-Filistia nochoko jolweny duto kanyakla Afek, to jo-Israel nojot but thidhiya man Jezreel.