1 Ruodhi 20:29 - MUMA MALER 2015

²⁹ Ne gijot ka gimanyore kamano kuom ndalo abiriyo. Chieng’ mar abiriyo ne girado ni lweny, kendo odiechieng’no jo-Israel nonego jo-Aram alufu mia achiel.

Motingʼo Loko Manyien

²⁹ Kuom ndalo abiriyo negigoyo kambi ka gimanyore, kendo e odiechiengʼ mar abiriyo lweny norado. Jo-Israel nonego jolwenj Aram ma jotelo maromo alufu mia achiel odiechiengno.

1 Ruodhi 20:29 ပူးပေါင်းရင်းမြစ်များ

Chakruok 25:20

Ne en jahigni piero ang’wen kane okendo Rebeka nyamin Laban wuod Bethuel ja-Aram ma nodak e piny Mesopotamia.

2 Samuel 10:18

To jo-Israel noloyogi, mi giringo, kendo Daudi gi joge nonego jogi ma joidh geche mia abiriyo, kod joidh farese alufu piero ang’wen. Bende ne gigoyo Shobak jatendgi, motho kanyo.

1 Ruodhi 20:28

Ng’at Nyasaye moro nodhi ir ruodh Israel, mowacho ne niya, “Ruoth Nyasaye owacho kama: ‘Jo-Aram osewacho ni Ruoth Nyasaye en nyasach gode, to ok en nyasach holni. Omiyo abiro chiwo oganda maduong’ni duto e lweti, eka unung’e ni an e Ruoth Nyasaye.’ ”

1 Ruodhi 20:30

Joma nodong’ noringo modonjo e dala Afek, to ohinga mar dala nopodho, monego ji alufu piero ariyo gabiriyo kuomgi. Ben-hadad bende noringo, modonjo e dalano, kendo nopondo ei ot moro maiye.

2 Ruodhi 13:17

mowacho niya, “Yaw dirisa mochomo yo wuokchieng’” Mi noyawo. Eka Elisha nowachone niya, “Dir asere.” Kane osediro, Elisha nowachone niya, “Mano asech loch Ruoth Nyasaye, kendo onyiso ni ibiro loyo jo-Aram. Ibiro kedo gi jo-Aram e dala mar Afek nyaka itiekgi chuth.”

2 Ruodhi 13:25

Jehoash wuod Jehoahaz nomayo Ben-hadad wuod Hazael mier mane Hazael ogolo e lwet Jehoahaz wuon mare e lweny. Jehoash noloyo Ben-hadad nyadidek, mi nodwoko miergo ni Israel.

2 Weche mag Ndalo 13:17

Abija kod joge ne onegogi malich ahinya, mi jo-Israel marateke moyier alufu mia abich notho.

2 Weche mag Ndalo 28:6

Odiechieng’no, Peka wuod Ramalia nonego jo-Juda ma thuondi mia achiel gi piero ariyo. Ne ologi nikech ne giseweyo Ruoth Nyasaye ma Nyasach kweregi.

Zaburi 10:16

Ruoth Nyasaye, in e ruoth mochwere nyaka chieng’, kendo joma ok ong’eyi biro lal nono e pinyi.

Isaya 37:36

Malaika mar Ruoth Nyasaye nodhi monego jo-Asuria alufu mia achiel gi piero aboro gabich (185,000) e kambigi, kendo kane ji ochiew gokinyi, to ringre joma otho ema ne ginwang’o kopie piny.

Joshua 6:15

To chieng’ mar abiriyo, ne gichiew ka ugue wang’, mi gilworo dala dibiryo. Chieng’no kende ema ne gilworoe dalani dibiriyo.

1 Samuel 17:16

Kuom ndalo piero ang’wen ja Filistia cha ne sudo machiegni, kanyisore okinyi godhiambo.