1 Ruodhi 20:28 - MUMA MALER 2015

²⁸ Ng’at Nyasaye moro nodhi ir ruodh Israel, mowacho ne niya, “Ruoth Nyasaye owacho kama: ‘Jo-Aram osewacho ni Ruoth Nyasaye en nyasach gode, to ok en nyasach holni. Omiyo abiro chiwo oganda maduong’ni duto e lweti, eka unung’e ni an e Ruoth Nyasaye.’ ”

Motingʼo Loko Manyien

²⁸ Ngʼat Nyasaye nobiro monyiso ruodh Israel niya, “Ma e gima Jehova Nyasaye wacho, nikech jo-Aram paro ni Jehova Nyasaye en nyasach gode to ok nyasach holni, abiro chiwo jolweny mangʼenygi e lweti kendo ibiro ngʼeyo ni an Jehova Nyasaye.”

1 Ruodhi 20:28 ပူးပေါင်းရင်းမြစ်များ

1 Ruodhi 20:13

Eka janabi moro nobiro ir Ahab ruodh Israel, mowachone niya, “Ruoth Nyasaye owacho kama: ‘Donge ineno oganda maduong’ni? Kawuono eka abiro chiwogi e lweti, mi ining’e ni an e Ruoth Nyasaye.’ ”

1 Ruodhi 17:18

Dhakono nopenjo Elija niya, “Yaye ng’at Nyasaye, in gang’o koda? Bironi osefwenyo richona koso, ma omiyo wuoda otho?”

Ezekiel 12:16

Anawe moko manok kuomgi tony e lweny, kendo e kech gi tuoche, mondo kuonde ma gintie e kind ogendini, ging’e ni timbegi osebedo modwanyore kendo ging’e ni an e Ruoth Nyasaye.”

Zaburi 79:10

Ere gima omiyo ogendini ma ok oyie kuomi onego openjwa niya, “Nyasachu nogo ni kanye?” A Nyasaye, wadwaro mondo ikum ogendinigo mana e wang’wa kwaneno, nikech ne gichuero remb jotichni!

Ezekiel 39:7

Anami joga Israel ng’e nyinga maler, kendo ok nawe nyinga chak kethre. Eka ogendini nong’e ni an Ruoth Nyasaye an Ng’ama Ler mar Israel.”

Ezekiel 36:32

To un jo-Israel, adwaro ni mondo ung’e ni ok natim gigo duto nikech un, to adwaro ni mondo une wichkuot kuom gik ma utimo. An Ruoth Nyasaye ema awacho kamano.

Ezekiel 20:14

“To ne ok atimo kamano, nikech mano dine oketho nyinga, nimar ogendini mamoko ne oseneno ka agolo jo-Israel e piny Misri.

Ezekiel 20:9

To ne ok atimo kamano, nikech mano dine oketho nyinga, nimar ne asewacho ni jo-Israel, ka joma ne odak e igi kod ogendini mokiewo kodgi winjo, ni abiro gologi Misri.

Ezekiel 11:12

Anakumu kamano nikech ok userito chikena kata luwo yorena, to usemana luwo chike mag ogendini mamoko mokiewo kodu.”

Ezekiel 6:14

Adier, anarie bada kuomgi mi aketh pinygi ka aloke thim, chakre piny motwo ma yo milambo, nyaka dala mar Ribla man yo nyandwat, ma ok aweyo kamoro ma jo-Israel odakie mak aketho. Bang’e ji duto nong’e ni kara an e Ruoth Nyasaye.”

Jeremia 14:7

“Joga ywakna niya, ‘A Ruoth Nyasaye, kata ka richowa nyiso ni wan joketho, to yie ikonywa kaka isesingori. Adier, waseweyi ndalo mang’eny, kwaketho e nyimi.

1 Ruodhi 13:1

To Ruoth Nyasaye nosewacho ni jatichne moro mondo oa Juda odhi Bethlehem, mi jalo nodhi moyudo Jeroboam kochung’ e dho kendo-mar-misango kawang’o misango.

Rapar mar Chik 32:27

To naparo ni dipo ka wasigu ojara, ka gipakore ni gin ema gisetimo gigo duto, to ok an, Ruoth Nyasaye.’

Rapar mar Chik 29:6

bende ok usechamo makati kata madho divai kata gimoro mamero ji. Notimonu kamano mondo ung’ego ni en e Ruoth Nyasaye ma Nyasachu.

Wuok 8:22

To chieng’no ok nahon lwang’ni e piny Goshen, kuma joga odakie, mi ining’e ni an Ruoth Nyasaye kara anie pinyni!

Wuok 7:5

Kamano jo-Misri nong’e ni an e Ruoth Nyasaye, katimonigi timbe madongo, kendo kagolo jo-Israel kuomgi.”

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Wuok 16:12

“Asewinjo ywak jo-Israel, omiyo koro nyisgi kama: ‘Kapok piny oyuso, ubiro yudo ring’o mondo ucham, to gokinyi ubiro yudo kuon mang’eny. Eka unung’e ni an Nyasaye ma Nyasachu.’ ”

1 Ruodhi 20:29

Ne gijot ka gimanyore kamano kuom ndalo abiriyo. Chieng’ mar abiriyo ne girado ni lweny, kendo odiechieng’no jo-Israel nonego jo-Aram alufu mia achiel.

Isaya 36:20

Kuom nyiseche duto mag pinjego, ere moro mosereso pinye e lweta, ma dimi upar ni Ruoth Nyasaye nyalo reso Jerusalem e lweta?’ ”

2 Samuel 10:13

Kamano Joab gi joge norado gi jo-Aram moriembo.

1 Ruodhi 18:36

Kane sa michiwoe misango mar odhiambo ochopo, Elija janabi nosudo machiegni, mowacho niya, “Ruoth Nyasaye ma Nyasach Ibrahim, gi Isaka, kod Israel, yie mondo ji ong’e kawuono ni in e Nyasach Israel, kendo ni an e jatichni, mosetimo magi duto kaka iwacho.

1 Ruodhi 18:37

Dwoka, Ruoth Nyasaye! Dwoka mondo jogi ong’e ni in e Nyasaye maloko chunygi iri.”

2 Weche mag Ndalo 32:19

Ne giwuoyo kuom Nyasach Jerusalem mana kaka ne giwuoyo kuom nyiseche mag jopinje mamoko molos gi lwet dhano.

Zaburi 46:11

Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!