1 Ruodhi 20:20 - MUMA MALER 2015

²⁰ Ng’ato ka ng’ato nonego ng’ate, mi jo-Aram noringo, ka jo-Israel lawogi. To Ben-hadad ruodh Aram noidho faras motony kaachiel gi joidh faresene moko.

Motingʼo Loko Manyien

²⁰ kendo moro ma moro nonego jadhape. Gikanyono jo-Aram noringo ka jo-Israel lawogi. To Ben-Hadad ruodh jo-Aram notony koidho farase kod joidh faresene mamoko.

1 Ruodhi 20:20 ပူးပေါင်းရင်းမြစ်များ

2 Samuel 2:16

Eka ne girakore, mi ng’ato ka ng’ato omako wi jasike, kohobo ng’etne gi ligangla, mine giruombore piny rat giduto. Omiyo kanyo nochak ni Helketh-hazurim, (tiende ni, Paw Lak Ligangla.) Pawno nie gweng’ Gibeon.

1 Ruodhi 15:18

Eka Asa nokawo fedha gi dhahabu duto ma nodong’ kuom mwandu mag Od Ruoth Nyasaye kod mag ode owuon, momiyo jotichne mondo okow ni Ben-hadad ruodh Aram, ma wuod Tabrimmon, wuod Hezion, ma nodak Damaski. Noorone wach niya,

1 Ruodhi 20:19

Yawuowi ma lang jodong gwenge nowuok e dala Samaria, kendo oganda lweny noluwo bang’gi.

1 Ruodhi 20:21

Eka ruodh Israel nowuok momako farese gi geche, kendo nonego jo-Aram oyokre.

2 Ruodhi 19:36

Mano omiyo Senakerib ruodh Asuria noa kuno, mi odok Nineve odakie.

Zaburi 33:16

Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

Zaburi 46:6

Ogendini luor, kendo pinje yiengni, to piny bende leny ka Nyasaye rogo matek.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Jeremia 41:15

To Ishmael kod joge moko aboro notony e lwet Johanan, moringo odhi e piny Amon.

Tim jo-Lawi 26:8

Jou abich nobed gi teko mar riembo ji mia achiel, kendo jou mia achiel nobed gi teko mar riembo ji gana apar, mi unutiek wasiku.

Jong’ad Bura 7:23

Jo-Israel ma jo-Naftali gi jo-Asher kod jo-Manase duto noluong, moriembo jo-Midian.