1 Ruodhi 20:15 - MUMA MALER 2015

¹⁵ Eka Ahab nochano yawuowigo, moromo ji mia achiel gi piero adek gariyo. Achien nochano jolweny duto mag Israel, ma dirom ji alufu abiriyo.

Motingʼo Loko Manyien

¹⁵ Kamano Ahab nochiko rowere ma jotend lweny mag gwenge maromo ji mia ariyo gi piero adek gariyo. Eka nochoko jo-Israel mamoko maromo ji alufu abiriyo koriwore.

1 Ruodhi 20:15 ပူးပေါင်းရင်းမြစ်များ

1 Ruodhi 19:18

To abiro weyo ji alufu abiriyo kangima, mana jogo duto ma pok ogoyo chongegi piny ni Baal, kendo ma pok onyodhe.”

1 Ruodhi 20:14

Ahab nopenje ni, “Ruoth Nyasaye biro chiwonwagi e lwet ng’a gini?” Janabi nodwoke ni, “Mana in.”

1 Ruodhi 20:16

Ne giwuok odiechieng’,

2 Ruodhi 13:7

Ruoth Nyasaye noweyo ni Jehoahaz mana jolweny alufu apar, gi joidh farese piero abich, kod geche lweny apar, nikech ruodh Aram nosetiekogi mi gichalo mana mihudhi.

2 Weche mag Ndalo 14:11

Asa noywak ni Ruoth Nyasaye ma Nyasache niya, “A Ruoth Nyasaye ma Nyasachwa, konywa nikech wageno kuomi, kendo wabiro rado gi ogandani mana e nyingi. A Ruoth Nyasaye, in e Nyasachwa, kik dhano adhana loyi!”

Zaburi 33:16

Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

Jong’ad Bura 7:16

Nopogo joge mia adek e migepe adek, momiyo ng’ato ka ng’ato tung’ kod agulu moting’o meny e iye.

Jong’ad Bura 7:7

Bang’ mano Ruoth Nyasaye nowacho ni Gideon niya, “Abiro resou gi lwet ji mia adek mogado pigo, kendo abiro chiwo jo-Midian e lwetu, to joma odong’ duto mondo odog dala.”

1 Samuel 14:2

Noyudo ka Saulo oguro hembe e tiend yath maduong’ man Migron e tong’ Gibea, kendo ji mane ni kode ne dirom mia auchiel.

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”