1 Ruodhi 20:12 - MUMA MALER 2015

¹² Ben-hadad nowinjo wachni kometho gi ruodhi kande e hembegi, mi nowacho ni joge niya, “Chanreuru ni lweny.” Mi ne giikore monjo dala Samaria.

Motingʼo Loko Manyien

¹² Ben-Hadad nowinjo oteno ka en kaachiel gi ruodhi ne metho e hembegi mi nochiko joge niya, “Ikreuru mondo umonjgi.” Omiyo negiikore mondo gimonj dalano maduongʼ.

1 Ruodhi 20:12 ပူးပေါင်းရင်းမြစ်များ

2 Samuel 13:28

Absalom noloso chiemo mathoth, to noyudo osewacho ni jotichne niya, “Ka Amnon osemer, mi awachonu ni, ‘Negeuru,’ to unege. Kik uluor, nikech an awuon ema achikou. Beduru gi chir, kuikoru.”

1 Ruodhi 16:9

To Zimri, ma achiel kuom jotend geche mag lweny nojame, mokedo kode. E higa mar piero ariyo gabiriyo mar loch Asa ruodh Juda, kane oyudo Ela omer Tirza e od Arza mane jarit od ruoth,

1 Ruodhi 20:16

Ne giwuok odiechieng’,

Jeremia 43:10

Bang’e inyisgi ni Ruoth Nyasaye Manyalo Gik Moko Duto kendo ma Nyasach Israel owacho kama: ‘Abiro luongo Nebukadnezar ruodh Babulon ma jatichna, kendo obiro keto kom lochne ewi kite ma aseketo ka eri, mi ogur hembe e wigi.

Daniel 5:2

To kane gimetho, Belshazar nogolo chik mondo okel kikombe gi tewni mag dhahabu gi mag fedha mane Nebukadnezar kwar mare ogolo e Hekalu man Jerusalem. Nodwaro ni en gi jodonge kaachiel kod monde gi monde mamoko ometh gi gigo.

Daniel 5:30

To otieno nogo ema nonegie Belshazar ruodh Babulon,

Luka 21:34

“Ritreuru mondo kik utim anjawo, kata kik ubed jomer kata joma parore kuom gik manie pinyni, nono to chieng’no biro poyou mana ka obadho,

Jo-Efeso 5:18

Weuru mer, nono to ubiro ketho ngimau chuth. Kar timo kamano, to Roho ema mondo opong’u.

1 Samuel 25:36

Kane Abigail odok dala, noyudo ka Nabal timo sawo maduong’, mana ka sap ruoth. Nabal ne mor, nikech nomer ahinya, omiyo Abigail ne ok onyise gimoro kata matin, nyaka piny oru.