1 Ruodhi 20:11 - MUMA MALER 2015

¹¹ Ruodh Israel nodwoko ni, “Wachneuru niya, ‘Ng’ama rwako gilweny kik pakre ka ng’ama oselonyogi!’ ”

Motingʼo Loko Manyien

¹¹ Ruodh Israel nodwoke niya, “Nyise kama: ‘Ngʼat morwako lepe mag lweny ok onego go siboi ka ngʼat molonyo lepe mag lweny.’ ”

1 Ruodhi 20:11 ပူးပေါင်းရင်းမြစ်များ

2 Ruodhi 3:21

Kane jo-Moab duto owinjo ni ruodhigo obiro mondo oked kodgi, ji duto mane nyalo ting’o gi lwenje noyworo ni lweny, mi giriedo e tong’ pinygi.

Ayub 41:8

Ka imule dichiel, to ok nichak imule kendo, bende wiyi ok nowil gi lwenjno!

Ngeche 27:1

Kik isungri ni gima pok ineno, nikech ok ing’eyo gima biro timore.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Jeremia 46:17

Chakuru Farao ruodh Misri nying manyien ni, ‘Ruodh Sunga,’ nikech en ng’at mane thuolo momiye obayo.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Mathayo 26:75

mi Petro noparo gima ne Yesu osewacho ni, “Kapok thwon gweno okok to nikweda didek.” Mano omiyo Petro nowuok oko, moywak malit.

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”