1 Ruodhi 20:10 - MUMA MALER 2015

¹⁰ Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

Motingʼo Loko Manyien

¹⁰ Eka Ben-Hadad nochako ooro ote machielo ni Ahab kowachone niya, “Mad nyiseche timna kata bedi ni en malit machalo nade, ka ok otieko Samaria pep molokore buru.”

1 Ruodhi 20:10 ပူးပေါင်းရင်းမြစ်များ

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

1 Ruodhi 2:23

Bang’ mano, ruoth Solomon nokuong’ore gi nying Ruoth Nyasaye kowacho niya, “Nyasaye mondo okweda ka Adonija ok otho nikech wachni!

1 Ruodhi 20:9

Omiyo nodwoko joote Ben-hadad niya, “Dhi unyis ruodha ni duto ma nokwongo kwaya, anatim, to gima koro okwaya sani ok anyal timo.” Mi joote nodwoko ni ruodhgi wach.

2 Ruodhi 18:24

Ka jo-Misri ema igeno ni biro konyi gi geche kod joidh farese, to ere kaka iparo ni dilo kata mana achiel matinie moloyo kuom jotend lweny mag ruodha?

2 Ruodhi 6:31

Nowacho niya, “Nyasaye mondo okweda ka ok ang’ado wi Elisha wuod Shafat oko kawuono!”

Wuok 11:8

Bang’e jodongi nobi ira, mi ginikulrena ka giwacho niya, ‘Dhiyo, un gi jou duto!’ Bang’ mano eka naa.” Mi Musa noa ir Farao gi mirima mager.

Jeremia 46:17

Chakuru Farao ruodh Misri nying manyien ni, ‘Ruodh Sunga,’ nikech en ng’at mane thuolo momiye obayo.

Jeremia 9:23

“Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Tich Joote 23:12

Kinyne gokinyi, jo-Yahudi moko nochokore kaachiel mochano gima onego gitim. Ne gikuong’ore ni ok ginyal chiemo kata madho gimoro kapok ginego Paulo.

Jong’ad Bura 4:10

Barak noluongo jo-Zebulun gi jo-Naftali ire Kedesh, mi nodhi gi ji alufu apar ma nobiro. Debora bende nodhi kode.

1 Samuel 17:43

Nopenjo Daudi niya, “Iparo ni an guok koso, mibirona mana gi kede?” Mi nokuong’o Daudi e nying nyisechene.