1 Ruodhi 2:4 - MUMA MALER 2015

⁴ Kamano Ruoth Nyasaye nochop singruok mane otimona, kowachona ni, ‘Ka yawuoti noritre, kendo nowuoth e nyima gi adiera gi chunygi duto kod parogi duto, to nyikwayi nobed ruodhi mag Israel nyaka chieng’.’

Motingʼo Loko Manyien

⁴ eka Jehova Nyasaye nyalo rito singruokne mane omiya ni, Ka nyikwayi onono kaka gidak kendo ka giwuotho gi adiera e nyima gi chunygi duto kod parogi duto to ok nibedi maonge ngʼat manyalo bedo e kom duongʼ e Israel.

1 Ruodhi 2:4 ပူးပေါင်းရင်းမြစ်များ

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 18:19

Aseyiere mondo ochik nyithinde kod nyikwaye oluw yorena ka gitimo timbe mabeyo kendo makare. Kamano natimne gik moko duto ma nasesingorane.”

2 Samuel 7:25

To koro, Ruoth Nyasaye, mi singruok misetimona kaachiel gi dhooda obed gi teko nyaka chieng’, mi ichop gima isewacho.

1 Ruodhi 1:48

mowacho ni, ‘Apako Ruoth Nyasaye ma Nyasach Israel, moseyiena mondo ane wuoda kobet e kom duong’na kawuono.’ ”

1 Ruodhi 11:36

Wuode to abiro miyo dhoot achiel, mondo Daudi jatichna obed gi taya maliel e nyima e Jerusalem, dala maseyiero mondo aketie nyinga.

1 Ruodhi 3:14

Bende kiluwo yorena, kendo imako chikena gi buchena, kaka Daudi wuoru notimo, to namedni ndalo.”

1 Ruodhi 3:3

Solomon nohero Ruoth Nyasaye, koluwo chik Daudi wuon mare, mak mana ni notimo misango, kendo nowang’o ubani, e hembko mane ni kuonde moting’ore.

1 Ruodhi 6:12

“Kuom wach Hekalu migeroni, ka inirit chikena duto, kendo iluwgi maber, to anachop gima nawacho ni Daudi wuoru kuomi.

1 Ruodhi 8:23

mowacho niya, “A Ruoth Nyasaye ma Nyasach Israel onge nyasaye moro e piny mwalo machal kodi. Irito singruokni mitimo gi jotichni ma wuotho e yoreni gi chunygi duto, kendo iherogi gi hera mosiko.

1 Ruodhi 8:25

Emomiyo, Ruoth Nyasaye ma Nyasach Israel, chop singruok mane itimo ni Daudi wuora ma jatichni, kiwachone ni, ‘Anywolani nobed ruodhi mag Israel nyaka chieng’, to mana ka yawuoti oritore, kendo owuotho e nyima kaka isewuotho.’

1 Ruodhi 9:5

eka anagur loch mar nyikwayi e Israel nyaka chieng’ mana kaka nasingora ni Daudi wuoru, ka awachone ni, ‘Ndalo duto, nyikwayi nobed ruodhi mag Israel.’

2 Ruodhi 20:3

“A Ruoth Nyasaye, asayi, parie kaka asewuotho e nyimi gi adieri kod chuny mobidhore, ka atimo gik malong’oni.” Eka ne oywak malit.

2 Ruodhi 23:25

Onge ruoth moro kata achiel mane oluwo Ruoth Nyasaye gi chunye duto, kod tekone duto, komako chike duto mag Musa, kaka Josia notimo.

2 Ruodhi 23:3

Eka nodhi e bath siro, mochung’ e nyim Ruoth Nyasaye kosingore ni enoluw Ruoth Nyasaye gi chunye duto kod tekone duto, komako chikene gi wechene kod buchene, kamano mondo orit weche mag singruok mondiki e kitabuno. Mi ji duto bende notimo singruokno.

1 Weche mag Ndalo 28:9

“To in Solomon wuoda, par Nyasach wuoru, kendo ichiwri mondo itine gi chunyi duto, nimar Ruoth Nyasaye ng’iyo chuny ji duto, kendo ofwenyo paro mag dhano. Kidware, to iniyude, to kiweye, to enojwang’i nyaka chieng’.

2 Weche mag Ndalo 17:3

Ruoth Nyasaye ne konyo Jehoshafat nimar Jehoshafat noluwo timbe mokwongo mag wuon mare ka ok oluwo Baal.

2 Weche mag Ndalo 6:16

Emomiyo, in Ruoth Nyasaye ma Nyasach Israel, yie ichop singruok mane itimo ni Daudi wuora ma jatichni kiwachone niya, ‘Anywolani nobed ruodhi mag Israel nyaka chieng’, to mana ka yawuoti oritore kendo owuotho e chikena kaka isewuotho.’

2 Weche mag Ndalo 7:18

eka anagur loch mar nyikwayi, mana kaka nasingora ni Daudi wuoru, kawachone niya, ‘Ndalo duto nyikwayi nobed ruodhi mag Israel.’

Zaburi 119:9

Ere kaka ng’at ma pod tin dirit ngimane bed maler? Dorite mana ka omako wachni, A Ruoth Nyasaye.

Zaburi 37:22

Joma Ruoth Nyasaye oguedho nodag e piny gi kue, to jogo ma okuong’o notiek pep.

Zaburi 37:9

Joma ogeno kuom Ruoth Nyasaye biro dak gi kue e piny, to joma richo ibiro riemb oko.

Zaburi 39:1

Ne awacho niya, “Abiro ritora kuom gik ma atimo, mondo kik awach gimoro marach. Ok anawuo ka joricho ni machiegni.”

Jeremia 33:17

An Ruoth Nyasaye asingora ni e kinde duto nobedie nyakwar Daudi ka ruodh Israel,

Tim jo-Lawi 26:3

“Ka uwuotho e yorena, mi urito chikena, kendo uluwogi,

Zekaria 14:2

Enochok ogendini duto mondo oked gi Jerusalem, kendo dalano nokaw, mi mwandu manie udi noyaki, bende mon nomak gi thwon. Bath dala konchiel noter e tuech, to bathe komachielo nowe mana kanyo.

Mathayo 22:37

Yesu nodwoke ni, “Her Ruoth Nyasachi gi chunyi duto, kendo gi paroni duto, kendo gi riekoni duto.

Luka 1:6

Giduto ne gin joma kare e nyim Nyasaye, kendo ne girito chike duto mag Ruoth Nyasaye gi chunygi duto.

Rapar mar Chik 10:12

“Koro un jo-Israel, ang’o ma Ruoth Nyasaye ma Nyasachu dwaro kuomu? Donge odwaro mana ni mondo uluore kendo uwuoth e yorene duto, kuhere kendo kutiyone gi chunyu duto?

Rapar mar Chik 11:13

Omiyo kurito chike ma amiyou kawuonogi, mi uhero Ruoth Nyasaye ma Nyasachu, kendo utiyone gi chunyu duto,

Rapar mar Chik 6:5

Heruru Ruoth Nyasaye ma Nyasachu gi chunyu duto, gi parou duto, kendo gi tekou duto.

Rapar mar Chik 7:12

“Kuwinjo chikegi kendo uritogi, to Ruoth Nyasaye ma Nyasachu biro rito singruok mane otimo gi kwereu, kendo obiro siko koherou.

Juda 1:24

Wapakuru Jal manyalo ritou mondo kik upodhi, kendo manyalo miyo uchung’ e nyim duong’ne maler kumor kendo kuonge ketho.