1 Ruodhi 2:29 - MUMA MALER 2015

²⁹ Nonyis Solomon ni Joab oseringo odhi e od Hema mar Ruoth Nyasaye, mobet e bath kendo-mar-misango. Mi Solomon nooro Benaya wuod Jehoyada, kochike ni, “Dhiyo, inege.”

Motingʼo Loko Manyien

²⁹ Ruoth Solomon nowachne ni Joab oseringo modhi e hemb Jehova Nyasaye kendo ni ne en but kendo mar misango. Eka Solomon nochiko Benaya wuod Jehoyada niya, “Dhiyo mondo inege.”

1 Ruodhi 2:29 ပူးပေါင်းရင်းမြစ်များ

2 Samuel 8:18

Benaya wuod Jehoyada ne jatend jo-Kereth kod jo-Peleth. Yawuot Daudi bende ne jodolo.

1 Ruodhi 2:25

Kuom mano ruoth Solomon nooro Benaya wuod Jehoyada monego Adonija.

1 Ruodhi 2:30

Omiyo Benaya nodhi e Hema mar Ruoth Nyasaye, mowacho ni Joab niya, “Ruoth owacho ni mondo iwuogi.” To Joab nodagi, kowacho ni, “Ooyo, atho mana ka.” Eka Benaya nokelo ni ruoth wach mane Joab odwoke.

1 Ruodhi 2:31

Ruoth nokone niya, “Tim kaka owacho. Nege kendo iyike, mondo igol oko remo mane ochuero kayiem, kik sik kuoma, kendo kuom od wuora.

1 Ruodhi 2:46

Eka Ruoth nochiko Benaya wuod Jehoyada mondo oneg Shimei, mi Benaya nowuok oko, monege. Kamano loch nogurore e lwet Solomon.

Wuok 21:14

To ka ng’ato okiyo wadgi, monego maroyiem, to unugole kata mana e kendona mar misango mondo onege.

Ngeche 28:17

Ng’at ma oneko, ochomo mana kar joma otho. Omiyo ng’ato kik geng’e.

Ezekiel 9:6

Neguru joma dongo gi joma tindo, chwo gi mon, mine gi nyithindo, to kik umul ng’ato ang’ata man gi kido e lela wang’e. To chakuru timo kamano mana gie Hekalu mara.” Omiyo ne gichako mana gi jodongo mane ochung’ e Hekalu.

1 Petro 4:17

Ndalo mar ng’ado bura osechopo, kendo jo-Nyasaye ema ikwongo ng’ad nigi bura! To ka wan ema bura ochakore kuomwa kamano, to jogo ma otamore winjo Wach Maber mar Nyasaye to nobed nadi,