1 Ruodhi 2:26 - MUMA MALER 2015

²⁶ To ruoth nowacho ni Abiathar jadolo niya, “In to dog Anathoth dalau. Owinjore itho, to kata kamano koro ok nanegi, nikech niting’o Sanduk mar Ruoth Nyasaye e nyim Daudi wuora, kendo nineno chandruok kaachiel kode.”

Motingʼo Loko Manyien

²⁶ To kuom Abiathar jadolo, ruoth nowacho niya, “Dog e puotheni mantie Anathoth. Iwinjori gi tho, to ok ananegi sani, nikech nitingʼo Sandug Muma mar Jehova Nyasaye Manyalo Gik Moko Duto e nyim Daudi wuonwa kendo nineno chandruok duto mane wuonwa oneno.”

1 Ruodhi 2:26 ပူးပေါင်းရင်းမြစ်များ

2 Samuel 12:5

Kane Daudi owinjo wachno, mirima nomake ahinya gi japithno. Nowacho ni Nathan niya, “Gi nying Ruoth Nyasaye, ng’at mosetimo kamano owinjore gi tho!

1 Ruodhi 1:25

Osedhi mwalo moyang’o ruedhi gi dhok machwe kod rombe mogundho. Osegwelo yawuot ruoth duto, kaachiel gi Joab jatend jolweny kod Abiathar jadolo, kendo koro gibet piny kode, ka gichiemo kendo gimetho. Giwacho niya, ‘Ruoth Adonija mondo odag aming’a!’

1 Ruodhi 1:7

Noloso gi Joab wuod Zeruya, kod Abiathar jadolo, mi jogo nodokne, kendo ne gikonye.

1 Ruodhi 2:35

Ruoth noketo Benaya wuod Jehoyada jatend jolweny kar Joab, to Zadok jadolo noketo kar Abiathar.

Isaya 10:30

Un jo-Bath-galim, gouru uwi! To un jo-Laish, chikuru itu. Un jo-Anathoth, dwokgiuru.

Jeremia 1:1

Kitabuni oting’o weche kod timbe mag Jeremia wuod Hilkia. Ne en achiel kuom jodolo modak Anathoth e piny Benjamin.

Mathayo 10:42

Adier awachonu ni, ng’at momiyo japuonjrena moro matinie moloyo kata mana pi mang’ich omodho nikech ng’atno en japuonjrena, noyud pokne maonge kiawa.”

Luka 22:28

Un e joma osesiko koda e masichena duto,

Jo-Galatia 3:4

Gik madongo duto mane otimorenugi osebet kayiem nono koso? Ooyo, ok apar ni mano nyalo bedo kamano!

Joshua 21:18

gi Anathoth kod Almon.

1 Samuel 2:32

Eka e chandruokni inine mwandu duto ma Nyasaye omiyo jo-Isarel, kendo inigombi, to onge ng’at ma noru e dhoodi nyaka chieng’.

1 Samuel 26:16

Gima isetimo ok ber. Gi nying Ruoth Nyasaye, uwinjoru gi tho, nikech ne ok urito ruoth, ng’at mowir ma Ruoth Nyasaye oyiero. Koro neye kuma tong’ ruoth nitie, kod puk pi mane ni yo ka wiye.”