1 Ruodhi 2:22 - MUMA MALER 2015

²² Ruoth Solomon nopenjo min mare ni, “Ang’o momiyo ikwaya mondo Abishag nyar Shunam obed chi Adonija? Chal ka gima ikwaya mana ni mondo amiye loch, nimar en owadwa maduong’, kendo Abiathar jadolo, gi Joab wuod Zeruya, jodokne.”

Motingʼo Loko Manyien

²² Ruoth Solomon nodwoko min niya, “Angʼo momiyo ikwayo Abishag nyar Shunam ni Adonija? Inyalo anyala kata mana kwayone pinyruoth nimar en owadwa maduongʼ, bende inyalo kwaye ni Abiathar jadolo kod Joab wuod Zeruya!”

1 Ruodhi 2:22 ပူးပေါင်းရင်းမြစ်များ

2 Samuel 12:8

Ne amiyi od ruodhi, kod monde bende obed magi, kendo namiyi dhood Israel gi dhood Juda. Kata ka da ni mano pod tin, to da amedi gik moko moloyo mago.

2 Samuel 16:21

Ahithofel nodwoke ni, “Dhi iriwri gi mond wuoru, ma noweyo mondo oritne dala. Bang’e jo-Israel duto biro winjo ni isetimo tim makuero momiyo wuoru ojok kodi. Mano biro jiwo chuny jogo duto ma luwi.”

1 Ruodhi 1:11

Eka Nathan nowacho ni Bathsheba min Solomon niya, “Donge isewinjo ni Adonija wuod Hagith osebedo ruoth, to ruodhwa Daudi ok ong’eyo?

1 Ruodhi 2:15

Eka nowacho niya, “Ing’eyo ni yande loch onego bed mara, kendo jo-Israel duto nogeno ni an ema nabed ruoth. To wach olokore, kendo owadwa osebet ruoth, nikech Nyasaye ema omiye.

1 Weche mag Ndalo 3:2

Mar adek ne Absalom, ma min mare ne Maaka nyar Talmai ruodh Geshur. Mar ang’wen ne Adonija ma min mare ne Hagith.

1 Weche mag Ndalo 3:5

Kane odak Jerusalem nonywolo Shimea gi Shobab gi Nathan kod Solomon ma min-gi ne Bathsheba nyar Amiel. Bang’e Daudi nonywolo yawuowi moko ochiko.

Mathayo 20:22

To Yesu nodwokogi niya, “Ok ung’eyo gima ukwayo! Uparo ni unyalo madho kikombe mar masira ma abiro madho?” Ne gidwoke ni, “Ee, wanyalo.”

Mariko 10:38

Yesu nodwokogi niya, “Ok ung’eyo gima ukwayo! Uparo ni dunyal madho kikombe mar masira ma ochunore ni nyaka amadhi? Bende disandu gi sand mibiro sandago?”

Jakobo 4:3

To kata ka ukwayo, to ok dwoku, nikech ukwayo gi paro marach, kudwaro timo mana gima un uwegi ema udwaro.