1 Ruodhi 19:9 - MUMA MALER 2015

⁹ Nodonjo e rogo moro, mobworoe. Eka wach Ruoth Nyasaye nobirone niya, “Elija, itimo ang’o ka?”

Motingʼo Loko Manyien

⁹ Kanyo nodonjo ei rogo monindo kanyo. Kendo wach Jehova Nyasaye nobirone mawachone niya, “En angʼo mitimo ka, Elija?”

1 Ruodhi 19:9 ပူးပေါင်းရင်းမြစ်များ

Chakruok 16:8

Nopenje niya, “Hagar jatich Sarai, ia kure, to idhi kanye?” Nodwoke niya, “Aringo Sarai ma atiyone.”

Chakruok 3:9

To Ruoth Nyasaye noluongo Adam, mopenje niya, “In kanye?”

1 Ruodhi 19:13

Kane Elija owinjo kamano, nogeng’o wang’e gi lawe mar abola, kendo nowuok, mochung’ e dho rogo. Eka nowinjo dwol kapenje niya, “Elija, itimo ang’o ka?”

Jeremia 2:18

“Koro ang’o ma uparo ni ubiro yudo kuom dhi Misri? Uparo ni ubiro modho pi aora Nael? Koso ang’o ma uparo ni ubiro yudo kuom dhi Asuria? Uparo ni ubiro modho pi aora Yufrate?

Jeremia 9:2

Mad abed ki kiru mar bworo e thim, kuma anyalo betie mabor gi joga, nimar giduto gin joma terore, kendo oganda ma andhoga.

Jona 4:5

Jona nowuok modhi obet piny yo wuok chieng’ mar Nineve. Nogero kiru kanyo mobetie koyueyo chieng’, korito gima ditimre ni dalano.

Jo-Hibrania 11:38

Ne gin joma beyo gilala ma ok owinjore bed e pinyni. Ne gibayo abaya e thimbe kod gode ka gidak e rogo kod buche manie lowo.