1 Ruodhi 19:3 - MUMA MALER 2015

³ Elija noluor, mi noringo mondo otony. Kane ochopo Beer-sheba, dala mar Juda, noweyo jatichne kuno.

Motingʼo Loko Manyien

³ Elija ne luor kendo noringo nikech ngimane. Kane obiro Bersheba e Juda, noweyo jatichne kanyo,

1 Ruodhi 19:3 ပူးပေါင်းရင်းမြစ်များ

Chakruok 21:14

Ibrahim nochiew gokinyi, momiyo Hagar chiemo kod puga mar pi. Eka noketo nyathi e gok Hagar, mogole odhi. Hagar nowuok modhi, kendo notho wuotho awuotha e thim Beer-sheba.

Chakruok 21:31

Kuom mano ne ochak kanyo ni Beer-sheba, nikech en e kama ji ariyogo nokuong’oree. (Beer-sheba, to tiende ni, soko abiriyo, kata soko kuong’ruok, nikech rombe abiriyo mane gitimogo singruokno.)

1 Ruodhi 4:25

E ndalo Solomon duto, jo-Juda gi jo-Israel duto nodak e miechgii gi kue, chakre Dan yo nyandwat, nyaka Beer-sheba, yo milambo.

Wuok 2:15

Farao nowinjo gima notimore, motemo mondo oneg Musa, to Musa noringo mondo odhi odag e piny Midian. Kane ochopo e pinyno, nobet e dho soko moro.

Jeremia 20:9

To ka awacho ni abiro weyi mondo kik achak awuo e nyingi, to wachni wang’o chunya, mana ka mach. Opong’o chokena, kendo ohewa ting’o ma ok anyal siro.

Mathayo 26:56

To magi duto otimore mondo wach mane jonabi ondiko ochop kare.” Eka jopuonjrene duto noringo moweye.

2 Jo-Korintho 12:7

Emomiyo ne omiya kudho machwowo ringra, ma en jaote mar Satan, mondo omonja kik asungra, kata kik ating’ra malo nikech duong’ miwuoro mar gik mane Nyasaye ofwenyona.

1 Samuel 27:1

Daudi noparo niya, “Chieng’ moro Saulo nonega. Onge gimoro maber ma datim, mak mana karingo adhi e piny jo-Filistia. Mano eka Saulo nowe lawa, nikech kata komanya machal nadi e piny Israel duto, to ok nonwang’a, kendo natony kaa e lwete.”

1 Samuel 8:2

Nying wuode makayo ne Joel, to jalupne ne Abija. Ne gin jong’ad bura Beer-sheba.