1 Ruodhi 19:2 - MUMA MALER 2015

² Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

Motingʼo Loko Manyien

² omiyo Jezebel nooro jaote ir Elija mondo owachne niya, “Mad nyiseche timna kata bedi ni en malit machalo nade ka kiny sa ma kama ok atimo ni ngimani machal gi achiel kuom jonabigo.”

1 Ruodhi 19:2 ပူးပေါင်းရင်းမြစ်များ

2 Samuel 19:13

Wachuru ni Amasa bende ni, ‘Donge ing’eyo ni in kod an wan remo achiel? Nyasaye mondo okweda ka ok aketi jatend jolweny kar Joab.’ ”

2 Samuel 3:9

Nyasaye mondo okweda ka ok atimo ni Daudi kaka Ruoth Nyasaye nosingorene,

1 Ruodhi 2:23

Bang’ mano, ruoth Solomon nokuong’ore gi nying Ruoth Nyasaye kowacho niya, “Nyasaye mondo okweda ka Adonija ok otho nikech wachni!

1 Ruodhi 2:28

Kane Joab owinjo wachno, noringo odhi e Hema mar Nyasaye, momako tunge kendo-mar-misango, nimar nodok ni Adonija,, kata obedo ni ne ok odok ni Absalom, e kinde mane Absalom ong’anyoe.

1 Ruodhi 20:10

Ben-hadad noorone wach kendo niya, “Nyiseche mondo okweda ka ok aduwo Samaria ma kata mana buru modong’ie ok nyal romo joga duto jowo!”

2 Ruodhi 19:22

To koro in, en ng’ano ma isejaro kendo iyanyo? Koso en ng’a, ma isekokne, kijowo wang’i! Nyaka ing’e ni en Ng’ama Ler mar Israel!

2 Ruodhi 6:31

Nowacho niya, “Nyasaye mondo okweda ka ok ang’ado wi Elisha wuod Shafat oko kawuono!”

Wuok 10:28

Nowacho ni Musa niya, “Aye e wang’a! To bende kik ichak inena, nikech chieng’ minenae kendo to nitho!”

Wuok 15:9

Jasikwa nowacho niya, ‘Analawgi, mi ajukgi! Anape mwandugi, kendo anayak gimoro amora ma adwaro. Anawuodh ligangla, kendo anatiekgi gi tekona.’

Ngeche 27:1

Kik isungri ni gima pok ineno, nikech ok ing’eyo gima biro timore.

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 26:21

To kane ruoth Jehoyakim kod jotend jolwenje gi jodonge owinjo gima ne Uria owachono, notemo nege. To Uria nowinjo wachno, mi luoro nomake moringo odhi Misri.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Ruth 1:17

Kama nithoe ema nathoe, kendo kanyo ema noyikae. Ruoth Nyasaye mondo okweda ka wach moro opoga kodi, kata da obed mana tho.”