1 Ruodhi 19:19 - MUMA MALER 2015

¹⁹ Elija nowuok kanyo, modhi oyudo Elisha wuod Shafat ka puro. Ji ne puro gi dhok piero ariyo gang’wen; dhok ariyo ne ywayo kwer achiel, to Elisha ema ne puro gi dhok ariyo mogik. Elija nochopo bute, mobolo kuome lawe mar abola.

Motingʼo Loko Manyien

¹⁹ Omiyo Elija nowuok kanyo modhi oyudo Elisha wuod shafat. Nopuro gi rwedhi motwe e jok apar gariyo kendo en owuon ema nochwado rwedhi machien. Elija nodhi machiegni kendo nobolo lawe mar abola kuome.

1 Ruodhi 19:19 ပူးပေါင်းရင်းမြစ်များ

1 Ruodhi 19:13

Kane Elija owinjo kamano, nogeng’o wang’e gi lawe mar abola, kendo nowuok, mochung’ e dho rogo. Eka nowinjo dwol kapenje niya, “Elija, itimo ang’o ka?”

1 Ruodhi 19:16

Jehu wuod Nimshi bende iwir mondo obed ruodh Israel; to Elisha wuod Shafat ja-Abel-mehola ema mondo iwir obed janabi kari.

2 Ruodhi 2:8

Eka Elija nobano lawe mar abola, mochwadogo pi, mi pi nopogore koni gi koni, eka ji ariyogo noyudo thuolo mar ng’ado aora kotwo.

Wuok 3:1

Chieng’ moro Musa ne kwayo jamb Jethro jaduong’ne, ma jadolo mar Midian. Nong’ado thim gi jamni nyaka Horeb god Nyasaye.

Amos 7:14

To Amos nodwoko Amazia niya, “An ok an janabi, to bende mano ok tija. An mana jakwath, kendo jarit yiend ng’owo.

Amos 7:15

To Ruoth Nyasaye ema nokawa ka akwayo rombe, mi owachona niya, ‘Dhiyo mondo ikor wach ni joga Israel’

Zekaria 13:5

to moro ka moro nowach niya, ‘Ok an jakor wach, to an mana japur, kendo asebedo kayudo chiemba e lowo chakre tinna.’

Jo-Hibrania 11:37

Moko ne ogo gi kite, to moko nong’ad sirunda, to moko bende noneg gi ligangla. Ne girwakore gi piende rombe kod piende diek, ka gidhier kendo kisandogi, bende ka gin gi chandruok malit.

Jong’ad Bura 6:11

Bang’ mano, malaika mar Ruoth Nyasaye nobiro, mobet piny e tiend yath moro man Ofra. Yadhno ne mar Joash ja-Abiezer. Noyudo ka Gideon wuod Joash dino cham e bur lwanda mar biyo mzabibu, mondo kik jo-Midian juke gi chamgo.

1 Samuel 11:5

Noyudo ka Saulo donjo e dala koa puodho, ka sembo dho pur, mi kane owinjo ywak, nopenjo gima ji ywago. Eka ne ginyise wach jo-Jabesh.

1 Samuel 28:14

Mi Saulo nopenje ni, “Ochalo nadi?” Nodwoke niya, “Jaduong’ moti, moumore gi law abola ema owuok.” Eka Saulo nong’eyo ni en Samuel, mi nogoyo chonge pinyu, mokulore nyaka e lowo, komiye duong’.