1 Ruodhi 19:17 - MUMA MALER 2015

¹⁷ Ng’at ma Hazael ok onego, Jehu noneg; to ng’at ma Jehu ok onego, Elisha noneg.

Motingʼo Loko Manyien

¹⁷ Jehu biro nego ngʼato angʼata motony e ligangla mar Hazael kendo Elisha biro nego ngʼato angʼata motony e ligangla Jehu.

1 Ruodhi 19:17 ပူးပေါင်းရင်းမြစ်များ

2 Ruodhi 10:32

Ndalogo ema Ruoth Nyasaye nochako thiroe jo-Israel, komiyo wasikgi kawo bethe pinygi. Hazael noloyo jo-Israel e pinygi duto,

2 Ruodhi 12:17

E ndalogo, Hazael ruodh Aram nodhi kedo gi jo-Gath, mi nokawo dalagi. Bang’ mano, noikore mondo odhi omonj Jerusalem.

2 Ruodhi 13:22

Hazael ruodh Aram ne thago jo-Israel ndalo duto mag loch Jehoahaz.

2 Ruodhi 13:3

Ruoth Nyasaye nokecho gi jo-Israel, mi nothoro ketogi e lwet Hazael ruodh Aram, kendo e lwet Ben-hadad ma wuode.

2 Ruodhi 8:12

Hazael nopenje niya, “Jaduong’, iywago ang’o?” Nodwoke niya, “Aywak nikech ang’eyo kaka ibiro sando jo-Israel. Iniwang’ miechgi mochiel gi ohinga, kendo inineg yawuotgi marateke. Inikidh nyithindgi matindotindo, bende iniried iye mondegi mayach.”

2 Ruodhi 8:8

Nowacho ni Hazael niya, “Kaw mich, idhi irom godo ni ng’at Nyasaye, kendo ikwaye mondo openj Ruoth Nyasaye ka abiro kwo.”

2 Ruodhi 9:14

Kamano e kaka Jehu wuod Jehoshsfat ma wuod Nimshi nochako piem gi Joram, mondo ogol e tich ruoth.

2 Ruodhi 9:2

Kichopo, dwar Jehu wuod Jehoshafat ma wuod Nimshi. Kisetundo kama entie, to gole kuom jolweny wetene, kendo itere e ot ma iye.

2 Ruodhi 9:20

Jarito nowacho kendo niya, “Jaoteno osechopo irgi, to en bende ok oduogi. To jariemb gari cha chalo mana gi Jehu wuod Nimshi, nikech oriembo matek ka janeko.”

2 Ruodhi 9:24

To Jehu noywayo asere gi tekone duto, mochwowo otenga Joram, mi asere nopowo e dho chunye, monywowore e gache.

2 Ruodhi 9:25

Eka Jehu nowacho ni Bidkar mane jating’ne gilweny niya, “Kawe, ibole e puoth Naboth ja-Jezreel. Ok ipar gima Ruoth Nyasaye nowacho kuome chieng’ mane wan kodi e gach lweny, kwaluwo bang’ Ahab wuon mare?

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Jeremia 1:10

Kawuono amiyi teko kuom ogendini, kendo kuom ruodhi, mondo ipudhi kendo igo piny, mondo imuki kendo ikethi, to bende mondo iger kendo ipidhi.”

Jeremia 48:44

Ng’ato ang’ata ma temo tony e masira biro nyumore e bugo, to ng’ama owuok e bugo, obadho biro mako, Mago duto biro timore ni jo-Moab chieng’ ma akumogie.

Ezekiel 15:7

Kata obedo ni gisetony e mach, to koro mach biro wang’ogi pep. Ka asekumogi kamano, to eka unung’e ni an e Ruoth Nyasaye.

Hosea 6:5

Kuom mano, aseoro jonabi maga iru mondo osiemu ni ibiro kumou kendo tiekou. Gima adwaro ni mondo un joga utim, en gima ratiro kendo maler,

Amos 2:14

Jong’uech matek ok notony, kendo joma rateke nobed mool, bende kata mana jolweny mager ok nores ngimagi.

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Fweny 19:21

To joma odong’ ne oneg gi ligangla mane wuok e dho Jal moidho faras, kendo ringgi noyieng’o winy duto.