1 Ruodhi 19:16 - MUMA MALER 2015

¹⁶ Jehu wuod Nimshi bende iwir mondo obed ruodh Israel; to Elisha wuod Shafat ja-Abel-mehola ema mondo iwir obed janabi kari.

Motingʼo Loko Manyien

¹⁶ Bende wir Jehu wuod Nimshi obed ruodh Israel, kendo iwir Elisha wuod Shafat ma ja-Abel Mehola mondo okaw kari kaka janabi.

1 Ruodhi 19:16 ပူးပေါင်းရင်းမြစ်များ

2 Samuel 21:8

To nokawo mana Armoni gi Mefibosheth, yawuowi ariyo mane Rizpa nyar Aya onywolo ni Saulo, kod yawuowi abich mane Merab nyar Saulo onywolo ni Adriel wuod Barzilai ja-Mehola.

1 Ruodhi 1:34

kama Zadok jadolo gi Nathan janabi biro wiree gi mo, mondo obed ruodh Israel. Bang’e ugo tung’, kendo ukog niya, ‘Ruoth Solomon mondo odag aming’a!’

1 Ruodhi 4:12

Baana wuod Ahilud ne rito Taanak gi Megido nyaka Beth-shean, chakre kama yo lorie koa Jezreel dhi Beth-shean, mopowore nyaka Abel-mehola mokiewo gi Zerethan, kendo nyaka loka Jokmeam;

2 Ruodhi 2:1

E ndalo mane Ruoth Nyasaye dwaro tero Elija e polo gi kalausi, noyudo ka Elija gi Elisha josewuok Gilgal.

2 Ruodhi 2:15

Kane oganda jonabi modak Jeriko onene gi kuma bor, ne giwacho niya, “Teko mane Elija nigo, koro odok ni Elisha.” Ne gidhi romone, mi gikulorene,

2 Ruodhi 2:9

Kane giseidho loka, Elija nowacho ni Elisha niya, “Yier gima datimni, kapok okawa kuomi.” Elisha nokone ni, “Akwayi mondo ayud pok ariyo mag teko ma in go.”

Luka 4:27

Bende ne nitie jodhoho mang’eny e Israel e ndalo janabi Elisha, to onge kata achiel kuomgi mane ochangi, mak mana Naaman ja Siria.”

Jong’ad Bura 7:22

Ji mia adekgo nomedo goyo tungegi, mi Ruoth Nyasaye nomiyo ji duto mane ni e kambi ochako kedo kendgi giwegi. Ne giringo nyaka Beth-shita e yo mochomo Zerera, mi gichopo e tong’ Abel-mehola man but Tabath.

1 Samuel 18:19

To kane ndalo ochopo ma Saulo onego chiwie Merab nyare ni Daudi, nochiwe mana ni Adriel ja-Mehola.