1 Ruodhi 19:14 - MUMA MALER 2015

¹⁴ Nodwoko ni, “A Ruoth Nyasaye Manyalo Gik Moko Duto, asetiyoni gi kinda, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi; mak mana an ema odong’, to koro gidwaro nega.”

Motingʼo Loko Manyien

¹⁴ Nodwoko niya, “Asebedo katiyo matek ni Jehova Nyasaye Maratego. Jo-Israel osekwedo singruokni, gisemuko kende mag misengini kendo nego jonabigi gi ligangla. An kenda ema adongʼ kendo koro gidwaro nega.”

1 Ruodhi 19:14 ပူးပေါင်းရင်းမြစ်များ

1 Ruodhi 18:22

Eka Elija nowachonigi niya, “Eri an kende e janabi mar Ruoth Nyasaye modong’, to jonabi mag Baal gin mia ang’wen gi piero abich.

1 Ruodhi 18:30

Eka Elija nowacho ni ji duto niya, “Suduru ka.” Mi ji duto nosudo machiegni. Noloso kendo-mar-misango mar Ruoth Nyasaye ma nomukore.

Zaburi 78:37

Ne ok giketo chunygi kuome, bende ne giweyo singruok mane gisetimo kode.

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 62:1

In Sayun aheri, omiyo ok analing’. Adier, aheri in Jerusalem, omiyo ok nawe wuoyo, nyaka chop resi, mi resruokni rieny ka taya maliel.

Jeremia 22:9

Eka nodwokgi niya, ‘Mano osetimore nikech jogi oseweyo singruok mane Nyasachgi otimo kodgi, mi gilamo nyiseche mamoko kendo gitiyonigi.’

Daniel 11:30

Joma oa yo podho chieng’ nobi gi mendegi mondo oked kode, mi nobed maluor. Bang’e nodog ka en gi mirima mager mondo otiek joma otimo singruok maler gi Nyasaye, tiende ni jo-Israel, kendo enoluw rieko mag joma oseweyo singruokno.

Daniel 3:18

To kata ka ok oresowa, to onego ing’e malong’o ruoth ni ok wanyal lamo nyasachi, bende ok wanyal kulore piny ni kido mar dhahabu ma isechungo.”

Hosea 6:7

“To piyopiyo nono mane jogago odonjogo e piny mane asingoranigi, ne giketho singruok mane atimo kodgi, mi giweya.

Jo-Rumi 11:3

“Ruoth, gisenego jonabi magi, kendo gisemuko kendeni mag misango. An kenda ema adong’ to kata an bende gidwaro nega.”

Rapar mar Chik 29:25

To nodwokgi niya, ‘Mano osetimore nikech jo-Israel ne ok orito singruok mane Ruoth Nyasaye ma Nyasach kweregi otimo kodgi kane gin e piny Misri.

Rapar mar Chik 31:20

Ka asekelogi e piny maber kendo momew, kaka nasingora ni kweregi, mi giyudo chiemo, kendo gidoko machwe, eka bang’e ginichara, kendo giniketh singruokna, ka giluwo nyiseche mamoko kendo tiyonigi.

Jo-Hibrania 8:9

Ok nochal gi singruok mane atimo gi kweregi, kane atayogi, kagologi e piny Misri, nimar ne ok girito singruok mane atimo kodgino, mi an bende ne ajwang’ogi’