1 Ruodhi 19:12 - MUMA MALER 2015

¹² Bang’e ka piny oseyiengni, ne nitie mach; to Ruoth Nyasaye ok ne nie mach. To bang’ mach, piny noling’ thi.

Motingʼo Loko Manyien

¹² Bangʼ yiengni pinyno mach nobiro, to Jehova Nyasaye ne onge ei majno. To bangʼ majno yamo makudho mos nobiro.

1 Ruodhi 19:12 ပူးပေါင်းရင်းမြစ်များ

Chakruok 15:17

Kane chieng’ osepodho kendo piny olil, tak mach nodum iro, kod chuk mach maliel nothinyore, mokadho e kind sirunde kande.

1 Ruodhi 18:38

Eka mach mar Ruoth Nyasaye nolwar, motieko misango kaachiel gi yien gi kite kod lowo, kendo nonywayo pi mane nie bur pep.

2 Ruodhi 1:10

To Elija nodwoke ni, “Ka an ng’at Nyasaye adier, to mach mondo oa e polo, otieki kaachiel gi jogi piero abichgo.” Eka mach noa e polo motieko jalo gi joge.

2 Ruodhi 2:11

To kane pod giwuotho, kendo giwuoyo, gari mar mach gi farese mag mach nobiro, mopogogi, kendo Elija noidho gi kalausi nyaka e polo.

Ayub 33:7

Kuom mano ok onego iluora, kiparo ni abiro hewi e yo moro amora.

Ayub 4:16

Ne aneno ka gimoro ochung’ buta kanyo, to kata obedo ni ne arange, ne ok anyal ng’eyo ni en ang’o. Piny noling’ thi, eka ne awinjo dwol machil kawacho niya,

Wuok 3:2

Malaika mar Nyasaye nofwenyorene kanyo e ligek mach maliel e chuny bungu moro. Musa norange, moneno ni bungu liel aliela to ok wang’,

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Zekaria 4:6

Eka nowachona niya, “Ruoth Nyasaye wacho ni Zerubabel kama: ‘Gik moko matimore ok timre kuom teko kata kuom nyalo, to gitimore kuom Roho mara. An Ruoth Nyasaye Manyalo Gik Moko Duto ema awacho kamano.’

Tich Joote 2:2

Ne gipo ka giwinjo koko moa e polo ma mor ka yamo ma kudho matek, mi kokono nopong’o ot duto mane gibetie.

Rapar mar Chik 4:15

“Chieng’ mane Ruoth Nyasaye owuoyo kodu Horeb gie mach, ne ok uneno kit gimoro amora,

Rapar mar Chik 4:33

Bende nitie oganda moro mosewinjo dwond Nyasaye kawuoyo gie mach kaka usewinjo, to kendo pod ngima?

Jo-Hibrania 12:29

nikech Nyasachwa en mach ma tieko gik mowang’o duto.