1 Ruodhi 19:10 - MUMA MALER 2015

¹⁰ Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

Motingʼo Loko Manyien

¹⁰ Nodwoko niya, “Asebedo katiyo matek ni Jehova Nyasaye Maratego. Jo-Israel osekwedo singruokni, gisemuko kende mag misengini kendo nego jonabigi gi ligangla. An kenda ema adongʼ kendo koro gidwaro nega.”

1 Ruodhi 19:10 ပူးပေါင်းရင်းမြစ်များ

1 Ruodhi 18:10

Akuong’ora gi nying Ruoth Nyasaye ma Nyasachi ni onge oganda kata piny moro ma ruodha pok ooroe ji mondo odwari. To kane jopinjego okwer ni ionge kuno, to nyaka ne gikuong’re ni gikia kuma intie.

1 Ruodhi 18:17

Kane Ahab oneno Elija, nowachone niya, “Kara mana in, jasand jo-Israel!”

1 Ruodhi 18:20

Kuom mano, Ahab noluongo jo-Israel duto, kendo nochoko jonabigo kanyakla e got Karmel.

1 Ruodhi 18:22

Eka Elija nowachonigi niya, “Eri an kende e janabi mar Ruoth Nyasaye modong’, to jonabi mag Baal gin mia ang’wen gi piero abich.

1 Ruodhi 18:30

Eka Elija nowacho ni ji duto niya, “Suduru ka.” Mi ji duto nosudo machiegni. Noloso kendo-mar-misango mar Ruoth Nyasaye ma nomukore.

1 Ruodhi 18:4

kendo kane Jezebel nego jonabi mag Ruoth Nyasaye, to nopando jonabi mia achiel kuomgi. Piero abich nopando e rogo achiel, to piero abich opando e rogo machielo, momiyogi chiemo gi pi bende.)

1 Ruodhi 19:14

Nodwoko ni, “A Ruoth Nyasaye Manyalo Gik Moko Duto, asetiyoni gi kinda, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi; mak mana an ema odong’, to koro gidwaro nega.”

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

1 Ruodhi 20:13

Eka janabi moro nobiro ir Ahab ruodh Israel, mowachone niya, “Ruoth Nyasaye owacho kama: ‘Donge ineno oganda maduong’ni? Kawuono eka abiro chiwogi e lweti, mi ining’e ni an e Ruoth Nyasaye.’ ”

1 Ruodhi 20:22

Janabi cha nodhi ir ruodh Israel, mowachone niya, “Koro jiwri, ine gima onego itim, nikech e ndalo oro, ruodh Aram biro monji.”

1 Ruodhi 20:35

Wach Ruoth Nyasaye nobiro ni ng’at achiel kuom oganda jonabi, mowacho ni wadgi ni, “Yie igoya!” To jalo nodagi goye.

1 Ruodhi 22:8

Ruodh Israel nodwoke ni, “Ee, ng’at achiel pod odong’ ma dipenjnwa Ruoth Nyasaye wach, en Mikaya wuod Imla.” To Jehoshafat nowachone ni, “Kik iwuo kamano.”

2 Ruodhi 10:16

kowachone niya, “Bi wadhi mondo ine kaka atiyo ni Ruoth Nyasaye gi kinda.” Kamano Jehu notero Jehonadab Samaria gi geche.

Nehemia 9:26

“To kata kamano ne wigi tek, mi ging’anyoni. Ne gilokore ni giweyo chikni, kendo ne ginego jonabi magi ma noyudo siemogi mondo giduog iri. Ne gichayi ahinya,

Zaburi 119:126

A Ruoth Nyasaye, ma e sa monego itimie gimoro, nikech ji otamore winjo chikni.

Zaburi 119:139

Mirima wang’o iya ka mach, nikech wasika ok dew chikeni.

Zaburi 119:26

Ne ahulo gik moko duto ma asetimo, mi idwoka, koro puonja chikeni.

Zaburi 69:9

Hera ma aherogo Hekalu mari wang’o chunya ka mach, kendo ayany ma ji yanyigo ema koro iyanyago.

Zaburi 78:37

Ne ok giketo chunygi kuome, bende ne giweyo singruok mane gisetimo kode.

Wuok 20:5

Kik ukulrunigi, kata lamogi kik ulamgi, nikech an Ruoth Nyasaye ma Nyasachu an Nyasaye ma janyiego. Akumo nyithind joma ochaya nikech richo jonywolgi nyaka tieng’ mar adek gi mar ang’wen,

Wuok 34:14

“Kik ulam nyasaye moro machielo ni mar an Ruoth Nyasaye, nyinga en Nyasaye ma Janyiego, kendo an Nyasaye ma janyiego adier!

Isaya 49:4

Chon ne awacho ni asetiyo matek kayiem nono, kendo ni aseketho tekra to onge gima ayudo. To kara Ruoth Nyasaye biro ng’ado bucha kare, kendo pokna mana ni e lwete.

Jeremia 2:30

Ne anego yawuotu, to mano ne ok opuonjou, bende ne ok unyal yie kethou, to ne unego jonabi mau mana kaka sibuor mager neko.

Jeremia 36:26

Bang’e nogolo chik mondo jaduong’ Jerameel kaachiel gi Seraya wuod Azriel kod Shelemia wuod Abdiel jodhi omak Jeremia gi Baruk jandiko mare. To noyudo ka Ruoth Nyasaye osepandogi.

Hosea 5:11

Jo-Israel ni e thagruok. Gisewito piny mane margi nikech ne giramo ni nyaka giring gidhi ir ji mamoko mondo okonygi, to kara jogo onge gima dikonygigo.

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Mika 7:2

Ji moluoro Nyasaye oserumo e piny Israel, kendo onge kata ng’at achiel makare modong’. Ji duto kichore ni chuero remo, kendo ng’ato ka ng’ato chiko mana ni wadgi obadho.

Kwan 25:11

“Finehas wuod Eleazar ma wuod Harun jadolo osemiyo mirima mane an go gi jo-Israel orumo, nikech mirima mosemake kodgi chal gi mara. Mano emomiyo kata obedo ni ne an gi nyiego kod jo-Israel nikech aherogi ahinya, to ne ok atiekogi.

Kwan 25:13

Asingorane, en kaachiel gi nyikwaye ni ginibed jodolo nyaka chieng’ nikech osebedo gi mirima ma nyiso ni ohero Nyasache, mi opwodho jo-Israel kuom richogi.”

Johana 2:17

Mano nomiyo jopuonjrene oparo wach mondiki e Muma ni, “A Nyasaye, hera ma aherogo Hekalu mari wang’o chunya ka mach.”

Rapar mar Chik 31:16

Ruoth Nyasaye nowacho ni Musa niya, “Ka isetho, moyiki, to jogi biro weya mi luw nyiseche mag jomoko ma gidhi yudo ka gidonjo e pinyno, mana kaka dhako weyo chwore, to dwanyore gi chwo mamoko. Giniweya, kendo giniketh singruok ma asetimo kodgi.

Jo-Hibrania 11:37

Moko ne ogo gi kite, to moko nong’ad sirunda, to moko bende noneg gi ligangla. Ne girwakore gi piende rombe kod piende diek, ka gidhier kendo kisandogi, bende ka gin gi chandruok malit.