1 Ruodhi 18:7 - MUMA MALER 2015

⁷ Kane Obadia dhi, nopo koromo gi Elija. Kane onene, nogoyo chonge piny, mokulorene, kowacho niya, “Jaduong’ Elija! Kara mana in?”

Motingʼo Loko Manyien

⁷ Kane Obadia wuotho, Elija noromo kode. Obadia nonene mongʼeye kendo nokulore nyaka e lowo mowacho niya, “Bende en in adier Elija ruodha?”

1 Ruodhi 18:7 ပူးပေါင်းရင်းမြစ်များ

Chakruok 18:12

Kuom mano, Sara nonyiero e chunye kawacho niya, “Bende danywol nyathi ka aseti kama, to chwora bende osedoko moti?”

Chakruok 18:2

To kane oting’o wang’e nopo koneno ji adek mochung’ e nyime. Noringo kodhi romonigi, kendo nogoyo chonge piny, mokulore nyaka e lowo.

Chakruok 44:16

Juda nowachone niya, “Ruoth, ang’o ma dwawachi? Onge gima wanyalo timo mondo onyis ni wan joma kare, nimar Nyasaye osefwenyo kethowa. Wan duto koro wan wasumbi, ma ok mana jal moyud kikombeni kuome kende.”

Chakruok 44:20

mi ne wadwoki ni wan gi wuonwa ma tinde oti, kod owadwa matin monywolo koseti. To owadgi rawerano notho, kendo en kende e nyathi min mare modong’; omiyo wuon mare ohere ahinya.

Chakruok 44:33

Omiyo koro ruoth, yie adong’ ka mondo abed misumbani kar rawerani. En to yie iweye, mondo odog kod owetene.

Chakruok 50:18

Bang’e owetene nobiro ire giwegi, mi gigoyo chonggi piny e nyime, ka gikulore nyaka e lowo. Ne giwachone niya, “Eriwa e, wan wasumbi.”

2 Samuel 19:18

mondo gikonye ng’ado aora gi joode, kendo gitimne gimoro amora modwaro. Kane ruoth oikore ng’ado aora, Shimei wuod Gera nogoyo chonge piny, mokulorene nyaka e lowo,

1 Ruodhi 11:29

Chieng’ moro ka Jeroboam ne wuok Jerusalem, Ahija janabi, ma ja-Shilo noromo kode e yo. Ji ariyogo ne nie pap kendgi, to noyudo ka Ahija orwako law manyien.

1 Ruodhi 18:6

Omiyo ne gipogo piny e kindgi ji ariyo, mondo kik gimoro dong’ mak orangi. Ahab nochiko konchiel, to Obadia nochiko komachielo.

1 Ruodhi 18:8

Nodwoke ni, “Ee, mana an. To koro dhi inyis ruodhu ni, an ka.”

Isaya 60:14

Yawuot joma ne sandi biro miyi duong’. Adier, joma ne chari biro kulore e tiendi. Giniluongi ni ‘Dala Ruoth Nyasaye’, kendo ni ‘Sayun Dala mar Ng’ama Ler mar Israel’.

Kwan 12:11

nokwayo Musa niya, “Jaduong’, lamnwa! Kik iwe wachul gop richo, kata obedo ni wasetimo gima ofuwo kendo marach kamano.

Mathayo 11:8

To ka ok kamano, to ang’o mane udhi neno? Koso ne udhi neno ng’at morwakore gi lewni mabeyo? Ooyo! Joma rwakore kamano iyudo mana e ut ruodhi!

Mathayo 3:4

Johana ne rwako law yie ngamia, kendo ne otweyo okanda mar del e nungone. Chiembe ne mana bonyo kod mor kich mae thim.

1 Samuel 20:41

Kane rawera osedhi, Daudi noa kar pidh kite, mokulore didek, eka ne gimosore gi Jonathan, mi giywak giduto, to Daudi noywak moloyo.